January 28, 2022
January 28, 2022
ടെഹ്റാൻ : അറബ് ലോകത്തെ ശക്തികളിലൊന്നായ ഇറാനുമായി, ഖത്തർ ഉപപ്രധാനമന്ത്രിയും വിദേശകാര്യമന്ത്രിയുമായ ഷെയ്ഖ് മുഹമ്മദ് ബിൻ അബ്ദുൾറഹ്മാൻ അൽ താനി കൂടിക്കാഴ്ച്ച നടത്തി. ഇറാനിയൻ പ്രസിഡന്റ് ഇബ്രാഹിം റൈസിയാണ് ഖത്തർ പ്രതിനിധി സംഘത്തെ സ്വീകരിച്ചത്.
അറബ് മേഖലയിലെ നയതന്ത്രകാര്യങ്ങളാണ് ഇരുവരും ചർച്ച ചെയ്തത്. ഇറാനിയൻ ജനതയ്ക്ക് ഖത്തർ അമീറിന്റെ സ്നേഹസന്ദേശം വിദേശകാര്യമന്ത്രി അറിയിച്ചപ്പോൾ, ഖത്തർ ജനതയുടെ അഭിവൃദ്ധിക്കായി പ്രാർത്ഥിക്കുന്നു എന്നായിരുന്നു ഇറാനിയൻ പ്രസിഡന്റിന്റെ പ്രതികരണം. പല ഗൾഫ് രാജ്യങ്ങളോടും ഇടഞ്ഞുനിൽക്കുന്ന ഇറാനുമായി സമാധാനപൂർണമായ ചർച്ച നടത്താൻ ഖത്തറിന് കഴിഞ്ഞെന്ന വസ്തുത പ്രതീക്ഷയോടെയാണ് അറബ് ലോകം നോക്കിക്കാണുന്നത്.