Breaking News
ഖത്തറിൽ ഉണ്ടായിട്ടും കുഞ്ഞിന്റെ മുഖം കണ്ടത് എട്ടുമാസങ്ങൾക്ക് ശേഷം,ജയിൽ മോചിതരായി നാട്ടിലെത്തിയ ദമ്പതികൾ മനസ് തുറക്കുന്നു  | 2020 ലെ സോഷ്യല്‍ റെസ്‌പോണ്‍സിബിലിറ്റി പുരസ്‌കാരം ഖത്തര്‍ വിദ്യാഭ്യാസ മന്ത്രി സ്വീകരിച്ചു | സൗദിയിൽ രണ്ട് കോവിഡ് വാക്സിൻ എടുത്ത പള്ളി ഇമാമിന് കോവിഡ് സ്ഥിരീകരിച്ചു  | 2021-22 അധ്യയന വർഷം : ഖത്തറിലെ സ്‌കൂളുകള്‍ ഓഗസ്റ്റ് 29 ന്  തുറക്കുമെന്ന് വിദ്യാഭ്യാസ മന്ത്രാലയം | ഖത്തറില്‍ കൊവിഡ്-19 രോഗത്തിനൊപ്പം ഹൃദ്രോഗികളുടെ എണ്ണം വര്‍ധിക്കുന്നു; ബാധിക്കുന്നവരില്‍ കൂടുതലും ചെറുപ്പക്കാര്‍ | മലപ്പുറം കൂട്ടായി സ്വദേശി റാസൽ ഖൈമയിൽ നിര്യാതനായി   | ഹെലിക്കോപ്റ്റർ അപകടം,എം.എ.യൂസഫലിയുടെ ശസ്ത്രക്രിയ വിജയകരമെന്ന് ലുലു ഗ്രൂപ്പ് | അഹമ്മദ് ബിന്‍ അലി സ്ട്രീറ്റില്‍ താല്‍ക്കാലിക ഗതാഗത നിരോധനം | ഖത്തറിൽ നാളത്തെ ജുമുഅ നമസ്കാരം : രണ്ടാമത്തെ ബാങ്കിന് 10 മിനുട്ട്  മുമ്പ് മാത്രം പള്ളിയിൽ പ്രവേശിക്കാൻ അനുമതി  | പൊന്നാനി സ്വദേശി ഖത്തറിൽ കോവിഡ് ബാധിച്ച് മരിച്ചു  |
ഖത്തറില്‍ നൽകുന്ന ഫൈസര്‍ വാക്‌സിന്‍ കൗമാരക്കാരിലും 100 ശതമാനം ഫലപ്രദമെന്ന് കമ്പനി

March 31, 2021

March 31, 2021

ദോഹ: ഖത്തര്‍ ഉള്‍പ്പെടെയുള്ള ലോകരാജ്യങ്ങളില്‍ നിലവില്‍ ജനങ്ങള്‍ക്ക് നല്‍കിക്കൊണ്ടിരിക്കുന്നകൊവിഡ് പ്രതിരോധ വാക്‌സിനായ ഫൈസര്‍/ബയോണ്‍ടെക് വാക്‌സിന്‍ കൗമാരക്കാരിലും 100 ശതമാനം ഫലപ്രദമാണെന്ന് കമ്പനി. 12 മുതല്‍ 15 വരെ പ്രായമുള്ള പ്രായമുള്ളവരിലാണ് വാക്‌സിന്‍ ഫലപ്രദമെന്ന് ഇപ്പോള്‍ കണ്ടെത്തിയതെന്ന് ഫൈസര്‍-ബയോണ്‍ടെക് കമ്പനി വ്യക്തമാക്കി . നിലവില്‍ 16 വയസിന് മുകളില്‍ പ്രായമുള്ളവര്‍ക്കാണ് ഖത്തറില്‍ ഫൈസര്‍ വാക്‌സിന്‍ നല്‍കുന്നത്. 

മൂന്നാം ഘട്ട ക്ലിനിക്കല്‍ ട്രയലിന്റെ ഫലങ്ങളില്‍ നിന്നാണ് 12 വയസിനു മുകളിലുള്ള കൗമാരക്കാര്‍ക്കും വാക്‌സിന്‍ സുരക്ഷിതവും ഫലപ്രദവുമാണെന്ന നിഗമനത്തിലെത്തിയത്. അമേരിക്കയിലെ 2260 കുട്ടികളിലാണ് മൂന്നാം ഘട്ട ക്ലിനിക്കല്‍ ട്രയല്‍ നടത്തിയതെന്നും ഇവരില്‍ ശക്തമായ ആന്റിബോഡി പ്രതികരണമാണ് ഉണ്ടായതെന്നും ഫൈസര്‍-ബയോണ്‍ടെക് പുറത്തിറക്കിയ പ്രസ്താവനയില്‍ പറഞ്ഞു. 

ക്ലിനിക്കല്‍ ട്രയലുകളുടെ ഫലം സംബന്ധിച്ച വിവരങ്ങള്‍ അമേരിക്കയുടെ ഫാര്‍മസി റെഗുലേറ്ററായ എഫ്.ഡി.എയ്ക്ക് ഉടന്‍ സമര്‍പ്പിക്കും. 12 വയസിന് മുകളില്‍ പ്രായമുള്ള കുട്ടികളിലെ അടിയന്തിര ഉപയോഗത്തിനുള്ള അനുമതി ലഭിക്കാനാണ് ഇത്. കൂടാതെ മറ്റ് ലോകരാജ്യങ്ങളിലെ റെഗുലേറ്ററി അതോറിറ്റികള്‍ക്കും ഫലം ഉടന്‍ സമര്‍പ്പക്കും. അടുത്ത അധ്യയന വര്‍ഷം തുടങ്ങുന്നതിന് മുമ്പ് 12 വയസിന് മുകളില്‍ പ്രായമുള്ള എല്ലാ കുട്ടികള്‍ക്കും വാക്‌സിന്‍ ലഭ്യമാക്കാന്‍ കഴിയുമെന്നാണ് പ്രതീക്ഷിക്കുന്നതെന്നും ഫൈസര്‍ ചീഫ് എക്‌സിക്യുട്ടീവ് ആല്‍ബര്‍ട്ട് ബൗര്‍ല പറഞ്ഞു. 

കൗമാരക്കാര്‍ക്ക് ഉയര്‍ന്ന സംരക്ഷണം നല്‍കുന്ന ഫലങ്ങളാണ് പുറത്ത് വന്നതെന്ന് ബയോണ്‍ടെകിന്റെ ചീഫ് എക്‌സിക്യുട്ടീവ് ഉഗുര്‍ സാഹിന്‍ പറഞ്ഞു. 

എം.ആര്‍.എന്‍.എ സാങ്കേതികവിദ്യ അടിസ്ഥാനമാക്കിയുള്ളതാണ് ഫൈസര്‍/ബയോണ്‍ടെക് വാക്‌സിന്‍. കഴിഞ്ഞ വര്‍ഷം ഡിസംബര്‍ അവസാനമാണ് ഖത്തര്‍ ഫൈസര്‍/ബയോണ്‍ടെക് വാക്‌സിന്റെ അടിയന്തിര ഉപയോഗത്തിന് അനുമതി നല്‍കിയത്. 95 ശതമാനത്തോളം ഫലപ്രദമാണ് വാക്‌സിന്‍ എന്നാണ് പഠനങ്ങളില്‍ തെളിഞ്ഞത്. 


ന്യൂസ് റൂം വാര്‍ത്തകള്‍ക്കായുള്ള പുതിയ ആന്‍ഡ്രോയിഡ് ആപ്പ് NewsRoom Connect ഡൗണ്‍ലോഡ് ചെയ്യാനായി ഇവിടെ ക്ലിക്ക് ചെയ്യൂ.

ന്യൂസ് റൂം വാര്‍ത്തകള്‍ വാട്ട്‌സ്ആപ്പില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.

ന്യൂസ് റൂം വാര്‍ത്തകള്‍ ടെലിഗ്രാമില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.

ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.


ന്യൂസ്‌റൂം വാർത്തകൾ ടെലിഗ്രാമിൽ ലഭിക്കാൻ ജോയിൻ ചെയ്യുക

Latest Related News

 
[12:25, 08/04/2021] Cxg Ashwin: