September 17, 2019
September 17, 2019
മന്ത്രി ആവശ്യപ്പെട്ടതിനെ തുടർന്ന് കരാറിന് വിരുദ്ധമായി എട്ട് കോടി ഇരുപത്തിയഞ്ച് ലക്ഷം രൂപ കരാറുകാരന് നല്കിയതായാണ് സൂരജിന്റെ വെളിപ്പെടുത്തൽ
കൊച്ചി : പാലാരിവട്ടം പാലം അഴിമതിയില് അന്നത്തെ പൊതുമരാമത്ത് മന്ത്രിയായിരുന്ന ഇബ്രാഹിംകുഞ്ഞിനും പങ്കെന്ന് പൊതുമരാമത്ത് വകുപ്പ് മുന് സെക്രട്ടറി ടി ഒ സൂരജ് പറഞ്ഞു. കരാറുകാരന് മുന്കൂര് പണം നല്കാന് മന്ത്രി ആവശ്യപ്പെട്ടതിനെ തുടർന്ന് കരാറിന് വിരുദ്ധമായി എട്ട് കോടി ഇരുപത്തിയഞ്ച് ലക്ഷം രൂപ കരാറുകാരന് നല്കിയതായാണ് സൂരജിന്റെ വെളിപ്പെടുത്തൽ. വിജിലന്സ് ആരോപിക്കുന്ന കുറ്റം ചെയ്യാന് രേഖാമൂലം ഉത്തരവിട്ടത് ഇബ്രാഹിംകുഞ്ഞാണെന്നും ഹൈക്കോടതിയില് നല്കിയ ജാമ്യാപേക്ഷയില് ടി.ഒ സൂരജ് ആരോപിച്ചു.
പാലാരിവട്ടം മേൽപ്പാല നിർമാണം അഴിമതി കേസിൽ ടി.ഒ സൂരജിനെ നേരത്തെ അറസ്റ്റ് ചെയ്തിരുന്നു. കിറ്റ്കോ ജനറൽ മനേജർ ബെന്നി പോൾ, ആർ.ഡി.എസ് എം.ഡി സുമിത് ഗോയൽ എന്നിവരെയും അറസ്റ്റ് ചെയ്യുകയുണ്ടായി. വഞ്ചന, ഗൂഢാലോചന, അഴിമതി, ഫണ്ട് ദുര്വിനിയോഗം എന്നീ കുറ്റങ്ങളാണ് ചുമത്തിയത്.