June 15, 2021
June 15, 2021
മസ്കത്ത് : ഒമാനിൽ മൂന്നു പേരിൽ ബ്ലാക് ഫംഗസ്(മ്യുകൊമൈസിസ്) റിപ്പോർട്ട് ചെയ്തതായി ആരോഗ്യ മന്ത്രാലയം സ്ഥിരീകരിച്ചു.അതീവ ഗുരുതരവും അപകടകരവുമായ വൈറസ് ബാധയാണ് ബ്ലാക് ഫംഗസെന്നും ആരോഗ്യമന്ത്രാലയം വ്യക്തമാക്കി.ഒമാനിൽ കോവിഡിന്റെ ഇന്ത്യൻ വകഭേദമായ ഡെൽറ്റ വൈറസ് സ്ഥിരീകരിച്ചതായി നേരത്തെ ആരോഗ്യ മന്ത്രാലയം വ്യക്തമാക്കിയിരുന്നു.
അതേസമയം,ഉയർന്ന കോവിഡ് മരണനിരക്കാണ് കഴിഞ്ഞ 24 മണിക്കൂറിനിടെ ഒമാനിൽ രേഖപ്പെടുത്തിയത്.33 പേരാണ് കോവിഡുമായി ബന്ധപ്പെട്ട ആരോഗ്യപ്രശ്നങ്ങളെ തുടർന്ന് സുൽത്താനേറ്റിൽ മരിച്ചത്.ഇതോടെ ആകെ മരണസംഖ്യ 2,565 ആയി. കഴിഞ്ഞ 24 മണിക്കൂറിനിടെ പുതിയതായി 2,126 പേർക്ക് കൂടി കോവിഡ് സ്ഥിരീകരിച്ചു. ഇതോടെ രാജ്യത്ത് ആകെ റിപ്പോർട്ട് ചെയ്ത പോസിറ്റീവ് കേസുകളുടെ എണ്ണം 2,38,566 ആയി. പുതിയതായി 570 പേരാണ് കോവിഡിനെ അതിജീവിച്ചിരിക്കുന്നത്. 89 ശതമാനമാണ് രോഗമുക്തി നിരക്ക്. രാജ്യത്ത് 1,247 പേർ നിലവിൽ ആശുപത്രികളിൽ ചികിത്സയിലുണ്ട്. ഇതിൽ 374 പേർ ഐ.സി.യുവിലാണ്.