March 30, 2022
March 30, 2022
മസ്കത്ത് : ഒമാനിലെ ഇബ്രി വിലായത്തിൽ തൊഴിലാളികളുടെ ദേഹത്തേക്ക് പാറ ഇടിഞ്ഞുവീണുണ്ടായ അപകടത്തിൽ രണ്ട് മൃതദേഹങ്ങൾ കൂടി കണ്ടെടുത്തു. ഇതോടെ മരണസംഖ്യ എട്ടായി. ആറ് പേരുടെ മൃതദേഹങ്ങൾ ദാഹിറ ഗവർണറേറ്റിലെ സെർച്ച് ആൻഡ് റെസ്ക്യു ടീം ശനിയാഴ്ച കണ്ടെത്തിയിരുന്നു.
ശനിയാഴ്ച്ച അർധരാത്രിയാണ് അപകടം ഉണ്ടായത്. പാറയുടെ കഷ്ണങ്ങൾ ഇപ്പോഴും അടർന്നുവീഴുന്നതിനാൽ രക്ഷാപ്രവർത്തനം ദുഷ്കരമാണെന്ന് അധികൃതർ അറിയിച്ചു. മൂന്ന് മീറ്ററോളം ഘനവും, 200 മീറ്ററിനടുത്ത് ഉയരവുമുള്ള പടുകൂറ്റൻ മാർബിൾ പാളിയാണ് തൊഴിലാളികളുടെ ദേഹത്തേക്ക് പതിച്ചത്. പാറക്കഷ്ണങ്ങൾക്കിടയിൽ ഇനിയും തൊഴിലാളികൾ കുടുങ്ങിക്കിടക്കുന്നതായാണ് വിവരം.