July 19, 2020
July 19, 2020
മസ്കത്ത് : ഒമാനിൽ ഇന്ന് 1157 പേർക്ക് കൂടി കോവിഡ് സ്ഥിരീകരിച്ചു.ഇതോടെ മൊത്തം രാജ്യത്ത് കോവിഡ് സ്ഥിരീകരിച്ചവരുടെ എണ്ണം 66,661 ആയി. ഇന്ന് രോഗം സ്ഥിരീകരിച്ചവരിൽ 933 പേർ സ്വദേശികളും 224 പേർ വിദേശികളുമാണ്.പത്തു പേർ കൂടി മരണപ്പെട്ടതോടെ കോവിഡ് മരണസംഖ്യ 318 ആയി.
ഇന്ന് 1232 പേർക്കാണ് പുതുതായി അസുഖം ഭേദമായത് കോവിഡിനെ അതിജീവിച്ചവരുടെ എണ്ണം ഇതോടെ 44,004 ആയി. കഴിഞ്ഞ 24 മണിക്കൂറിനിടെ 3, 943 പേർക്കാണ് കോവിഡ് പരിശോധന നടത്തിയത്. ഒമാനിൽ ഇതുവരെ 270,788 പേർക്കാണ് കോവിഡ് പരിശോധനകൾ നടത്തിയത്.
പുതിയതായി 85 പേരെ കൂടി ആശുപത്രിയിൽ പ്രവേശിപ്പിച്ചതോടെ രാജ്യത്ത് ചികിത്സയിൽ തുടരുന്ന കോവിഡ് രോഗികളുടെ എണ്ണം 585 ആയി. ഇതിൽ 165 പേർ തീവ്രപരിചരണ വിഭാഗത്തിലാണ്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
