March 16, 2022
March 16, 2022
മസ്കത്ത് : ഒമാനിലെ ദോഫാർ ഗവർണറേറ്റിൽ ബോട്ടിന് തീപിടിച്ചുണ്ടായ അപകടത്തിൽ ഒരു മരണം സ്ഥിരീകരിച്ചു. അപകടത്തിനിടെ കാണാതായ ഏഷ്യക്കാരന്റെ മൃതദേഹം ലഭിച്ചതായി റോയൽ ഒമാൻ പോലീസാണ് അറിയിച്ചത്. ചൊവ്വാഴ്ചയാണ് ദോഫാർ ഗവർണറേറ്റിലെ ബോട്ടിന് തീ പിടിച്ചത്.
ദാൽകുട്ട് വിലായത്തിലെ തീരത്തോട് ചേർന്നാണ് ബോട്ട് അപകടത്തിൽ പെട്ടത്. സംഭവമറിഞ്ഞെത്തിയ കോസ്റ്റ് ഗാർഡ് ഏഷ്യക്കാരായ 14 ആളുകളെ രക്ഷപ്പെടുത്തിയിരുന്നു. ഇവർക്ക് കാര്യമായ പരിക്കുകൾ ഇല്ല. എന്നാൽ, ഒരാളെ കാണാതാവുകയായിരുന്നു. അപകടം നടന്ന ഇടത്തുനിന്നും 18 നോട്ടിക്കൽ മൈൽ അകലെ നിന്നാണ് മൃതദേഹം ലഭിച്ചത്. നടപടി ക്രമങ്ങൾ പൂർത്തിയാക്കിയ ശേഷം മൃതദേഹം ബന്ധുക്കൾക്ക് വിട്ടുകൊടുക്കും.