April 13, 2022
April 13, 2022
മസ്കത്ത് : സ്വദേശികളും വിദേശികളുമായ വാഹന ഉടമകൾക്ക് ഇനി ഉടമസ്ഥാവകാശം ഓൺലൈൻ ആയി കൈമാറാം. മൊബൈൽ അപ്ലിക്കേഷനിൽ മുഖേനയും, റോയൽ ഒമാൻ പോലീസിന്റെ ഔദ്യോഗിക വെബ്‌സൈറ്റ് വഴിയും ഈ സേവനം ലഭ്യമാവുമെന്ന് അധികൃതർ അറിയിച്ചു.
ഇടപാട് നടക്കുന്ന സമയത്ത് വാഹനം ഒമാനിൽ ഉണ്ടായിരിക്കണമെന്ന് നിബന്ധനയുണ്ട്. വില്പനക്കാരനും വാങ്ങുന്ന ആൾക്കും ഡിജിറ്റൽ ഓതന്റിക്കേഷൻ ഉണ്ടായിരിക്കണം. അഞ്ച് റിയാലാണ് ഈ സേവനത്തിന് ലെവി ആയി ഈടാക്കുക. കച്ചവടത്തിന്റെ പണമിടപാട് ഒരുദിവസത്തിനകം ഡിജിറ്റലായി നടത്തണമെന്നും നിർദ്ദേശമുണ്ട്. വിദേശിയായ വ്യക്തിയാണ് വാഹനം വാങ്ങുന്നതെങ്കിൽ ഡ്രൈവിംഗ് ലൈസൻസും റെസിഡന്റ് കാർഡും നിർബന്ധമാണ്.
