October 27, 2021
October 27, 2021
ഇന്ത്യ തദ്ദേശീയമായി വികസിപ്പിച്ച കോവിഡ് പ്രതിരോധ വാക്സിനായ 'കോവാക്സിന്' ഒമാന്റെ അംഗീകാരം. ഇതോടെ കോവാക്സിൻ രണ്ട് ഡോസും സ്വീകരിച്ച ആളുകൾക്ക് ഒമാനിൽ പ്രവേശിക്കാൻ കഴിയും. ഒമാൻ ആരോഗ്യമന്ത്രാലയമാണ് ഈ വാർത്ത പുറത്തുവിട്ടത്. ഒപ്പം, സിവിൽ ഏവിയേഷൻ വിഭാഗവും വാർത്ത സ്ഥിരീകരിച്ചു.
14 ദിവസം മുൻപെങ്കിലും വാക്സിൻ സ്വീകരിച്ചവർക്കാണ് പ്രവേശനാനുമതി നൽകുകയെന്ന് അധികൃതർ വ്യക്തമാക്കി. യാത്രയ്ക്ക് മുൻപ് ആർടിപിസിആർ പരിശോധന നടത്തുകയും വേണം. ഇന്ത്യൻ വാക്സിനായ കോവിഷീൽഡിനും ഒമാൻ നേരത്തെ അനുമതി നൽകിയിരുന്നു. ഒമാന്റെ തീരുമാനത്തോടുള്ള നന്ദി അറിയിച്ചുകൊണ്ട് ഇന്ത്യൻ എംബസി രംഗത്തെത്തി.
