September 20, 2019
September 20, 2019
സ്‌കൂളിലേക്കുള്ള യാത്രാമധ്യേ വിദ്യാര്‍ത്ഥിനി ഉറങ്ങിപ്പോയത് ഡ്രൈവറുടെയും ബസിലുണ്ടായിരുന്ന അധ്യാപികയുടെയും ശ്രദ്ധയില്‍പ്പെടാതിരുന്നതാണ് അപകടത്തിന് ഇടയാക്കിയത്.
മസ്‌കത്ത്: അഞ്ചു മണിക്കൂറോളം സ്‌കൂള്‍ ബസില്‍ കുടുങ്ങിയ നാലുവയസുകാരി ഒമാനിൽ ഗുരുതരാവസ്ഥയില്‍ തുടരുന്നു. കിന്റര്‍ഗാര്‍ട്ടന്‍ വിദ്യാര്‍ഥിനിയായ സ്വദേശി ബാലിക കഴിഞ്ഞ ചൊവ്വാഴ്ചയാണ് അപകടത്തില്‍പ്പെട്ടത്.തലച്ചോറില്‍ ഓക്‌സിജന്‍ നഷ്ടപ്പെട്ട അവസ്ഥയിൽ കുട്ടി റുസ്താഖ് ആശുപത്രിയിലെ തീവ്രപരിചരണ വിഭാഗത്തില്‍ ചികിത്സയില്‍ കഴിയുകയാണ്.സ്‌കൂളിലേക്കുള്ള യാത്രാമധ്യേ വിദ്യാര്‍ത്ഥിനി ഉറങ്ങിപ്പോയത് ഡ്രൈവറുടെയും ബസിലുണ്ടായിരുന്ന അധ്യാപികയുടെയും ശ്രദ്ധയില്‍പ്പെടാതിരുന്നതാണ് അപകടത്തിന് ഇടയാക്കിയത്.
മറ്റു വിദ്യാര്‍ത്ഥികളെ ഇറക്കിയ ശേഷം ഡ്രൈവര്‍ ബസുമായി പോയി വീടിനടുത്ത് വെയിലത്ത് നിര്‍ത്തിയിടുകയായിരുന്നു. വിദ്യാര്‍ത്ഥിനി ഉണര്‍ന്നെങ്കിലും ആരുടെയും ശ്രദ്ധയില്‍പ്പെട്ടില്ല. കുട്ടികളെ തിരിച്ചുകൊണ്ടുപോവാനായി ബസ് എടുക്കാന്‍ ഡ്രൈവര്‍ വന്നപ്പോഴാണ് കുട്ടിയെ ഗുരുതരാവസ്ഥയില്‍ കണ്ടത്. ഉടനെ റുസ്താഖിലെ ഹെല്‍ത്ത് സെന്ററില്‍ പ്രഥമിക ശുശ്രൂഷ നല്‍കിയെങ്കിലും പിന്നീട് പ്രധാന ആശുപത്രിയിലെ തീവ്രപരിചരണ വിഭാഗത്തില്‍ പ്രവേശിപ്പിക്കുകയായിരുന്നു.
