December 15, 2021
December 15, 2021
മസ്കത്ത് : രാജ്യത്ത് കോവിഡിന്റെ ഒമിക്രോൺ വകഭേദം റിപ്പോർട്ട് ചെയ്യപ്പെട്ടതിന് പിന്നാലെ നടപടികൾ കടുപ്പിച്ച് ഒമാൻ. പൊതുസ്ഥലങ്ങളിലും പള്ളികളിലും വെച്ച് വിവാഹചടങ്ങുകളോ മരണാന്തര ചടങ്ങുകളോ നടത്തരുതെന്ന് സുപ്രീം കമ്മിറ്റി അറിയിച്ചു. ഇന്ന് മുതൽ പ്രാബല്യത്തിൽ വരുന്ന ഈ തീരുമാനം ഇനിയൊരു അറിയിപ്പ് ഉണ്ടാവുന്നത് വരെ തുടരും. ഒമാനിൽ ദിനംപ്രതിയുള്ള കോവിഡ് കേസുകൾ വർധിക്കുന്നതായി ആരോഗ്യമന്ത്രി ആശങ്ക പ്രകടിപ്പിച്ചതിന് പിന്നാലെയാണ് നിയന്ത്രണങ്ങൾ പ്രഖ്യാപിച്ചത്. ഒമാനിൽ രണ്ട് പേർക്കാണ് ഇതുവരെ ഒമിക്രോൺ വകഭേദം സ്ഥിരീകരിച്ചത്. 12 പേരുടെ സാമ്പിളുകളുടെ പരിശോധനാഫലം വരാനുണ്ട്.