March 03, 2022
March 03, 2022
മസ്കത്ത് : വാഹനാപകടത്തിൽ പരിക്കേറ്റതിനെ തുടർന്ന് മസ്കത്തിൽ ചികിത്സയിൽ കഴിഞ്ഞിരുന്ന മലയാളി നിര്യാതനായി. ഓയൂർ കരിങ്ങന്നൂർ വാഴവിള വീട്ടിൽ ജയതിലകൻ ആണ് മരിച്ചത്. 59 വയസായിരുന്നു.
ഈ കഴിഞ്ഞ ജനുവരിയിലാണ് ജയതിലകൻ അപകടത്തിൽ പെട്ടത്. ഇയാൾ ഓടിച്ചിരുന്ന കാർ മറ്റൊരു കാറുമായി കൂട്ടിയിടിക്കുകയായിരുന്നു. പിന്നാലെ മസ്കത്തിലെ ഖോള ആശുപത്രിയിൽ പ്രവേശിക്കപ്പെട്ട ജയതിലകൻ 54 ദിവസം ചികിത്സയിൽ കഴിഞ്ഞു. ഇന്നലെ വൈകീട്ടാണ് മരണത്തിന് കീഴടങ്ങിയത്. കഴിഞ്ഞ 20 വർഷമായി ഡ്രൈവറായി ജോലി ചെയ്തുവരികയായിരുന്നു. ഭാര്യ : പരേതയായ ഷൈലജ മക്കൾ : ജിബിൻ തിലക്, അഞ്ജന തിലക്