March 03, 2022
March 03, 2022
സലാല : കോഴിക്കോട് ജില്ലയിലെ നാദാപുരം ചെക്യാട് വേവം സ്വദേശിയായ ചെത്തക്കോട്ട് നൗഷാദ് ഹൃദയാഘാതം മൂലം നിര്യാതനായി. 39 വയസായിരുന്നു. രാത്രി സ്വന്തം താമസസ്ഥലത്ത് ഉറങ്ങാൻ കിടന്ന നൗഷാദിനെ രാവിലെ മരിച്ച നിലയിൽ കണ്ടെത്തുകയായിരുന്നു. പോലീസ് സ്ഥലത്തെത്തി അവശ്യമായ നടപടികൾ സ്വീകരിച്ചു.
ആറ് വർഷമായി സനായിയയിൽ ഗൾഫ് ടീ എന്ന സ്ഥാപനം നടത്തുകയായിരുന്നു നൗഷാദ്. അടുത്തിടെ ഉപ്പയും ഉമ്മയും മരണപ്പെട്ടിരുന്നു. സൗദിയിലും ബഹ്‌റൈനിലും വിവിധ ജോലികൾ ചെയ്തതിന് ശേഷമാണ് നൗഷാദ് സലാലയിൽ എത്തിയത്. സുൽത്താൻ ഖാബൂസ് ആശുപത്രിയിൽ സൂക്ഷിച്ചിരിക്കുന്ന മൃതദേഹം, നടപടികൾ പൂർത്തിയാക്കിയ ശേഷം നാട്ടിലെത്തിക്കുമെന്ന് കെ.എം.സി.സി അറിയിച്ചു.
ഭാര്യ : റഹീസ ചിരമ്പത്ത്
മക്കൾ : റീം സുൽത്താന, സിയ മിർസ
