November 22, 2020
November 22, 2020
മസ്കത്ത്: മസ്കത്ത് വിമാനത്താവളത്തില് കഴിഞ്ഞ നവംബര് അഞ്ചിന് കാണാതായ മലയാളിയുടെ മൃതദേഹം കണ്ടെത്തി. കണ്ണൂര് സ്വദേശി കെ.വി. സന്ദീവിനെയാണ് (47) അല് ഹെയില് ഭാഗത്ത് പൊതുസ്ഥലത്ത് തൂങ്ങിമരിച്ച നിലയില് കണ്ടെത്തിയത്. നാട്ടിലേക്ക് പോകുന്നതിനായി വിമാനത്താവളത്തില് എത്തിയ സന്ദീവിനെ കാണാതാവുകയായിരുന്നു. തൂങ്ങിമരിച്ചതായാണ് ലഭിച്ച വിവരമെന്ന് സഹപ്രവര്ത്തകര് പറഞ്ഞു. പ്രദേശവാസികള് വിവരമറിയിച്ചതിനെ തുടര്ന്ന് പൊലീസ് നടത്തിയ തിരച്ചിലിലാണ് മൃതദേഹം കണ്ടെത്തിയത്. മൃതദേഹം ഒമാനില്തന്നെ സംസ്കരിക്കാൻ ശ്രമം തുടങ്ങിയിട്ടുണ്ട്.. മുലദയില് കഴിഞ്ഞ എട്ടുവര്ഷമായി വര്ക്ക്ഷോപ് മെക്കാനിക് ആയി ജോലി ചെയ്തുവരുകയായിരുന്നു സന്ദീവ്.
നാട്ടിലേക്ക് പോകാൻ സുഹൃത്തുക്കളാണ് വിമാനത്താവളത്തിൽ കൊണ്ടുവിട്ടത്. നാട്ടില് നിന്ന് വിളിച്ച് അന്വേഷിച്ചപ്പോഴാണ് നാട്ടിലെത്തിയിട്ടില്ലെന്ന വിവരം ലഭിക്കുന്നത്. തുടർന്ന് നടത്തിയ അന്വേഷണത്തിൽ സന്ദീവ് ബോര്ഡിങ് പാസ് സ്വീകരിച്ചിട്ടില്ലെന്നും വിമാനത്തില് കയറിയിട്ടില്ലെന്നും മനസ്സിലായി. പിന്നീട് അന്വേഷണം നടത്തിവരുന്നതിനിടയിലാണ് മൃതദേഹം കണ്ടെത്തിയത്. വിഷയത്തില് ഇടപെടണമെന്നാവശ്യപ്പെട്ട് കെ. സുധാരകന് എം.പി ഇന്ത്യന് അംബാസഡര്ക്ക് കത്തയച്ചിരുന്നു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക.