January 22, 2022
January 22, 2022
മസ്കത്ത് : കോവിഡ് കേസുകൾ അനുദിനം വർധിക്കുന്നത് കണക്കിലെടുത്ത് ഒമാനിൽ പുതിയ മാർഗനിർദേശങ്ങൾ പ്രഖ്യാപിച്ചു. ജനുവരി 23 ഞായറാഴ്ച്ച മുതൽ 14 ദിവസത്തേക്കാണ് പുതിയ നിയന്ത്രണങ്ങൾ. പള്ളികളിൽ ജുമുഅ നമസ്കാരം നിർത്തിവെക്കാനും, മറ്റ് നമസ്കാരങ്ങൾക്ക് അൻപത് സ്ഥാനം ആളുകളെ മാത്രം പ്രവേശിപ്പിക്കാനും നിർദേശമുണ്ട്.
ഔഖാഫ് മതകാര്യ മന്ത്രാലയവും ആരോഗ്യ മന്ത്രാലയവും സംയുക്തമായാണ് പുതിയ മാനദണ്ഡങ്ങൾ പ്രഖ്യാപിച്ചത്. തൊഴിലിടങ്ങളിലും പുതിയ നിയന്ത്രണങ്ങളുണ്ട്. പകുതി ജീവനക്കാർ നേരിട്ടെത്തിയും, ബാക്കി ജീവനക്കാർ വീടുകളിൽ ഇരുന്നും ജോലി ചെയ്യണമെന്ന് സുപ്രീം കമ്മിററി വ്യക്തമാക്കി. പൊതുപരിപാടികൾ മാറ്റിവെക്കണമെന്നും റസ്റോറന്റുകളും കടകളും കോവിഡ് സുരക്ഷാ മാനദണ്ഡങ്ങൾ കൃത്യമായി പാലിക്കണമെന്നും കമ്മിറ്റി നിർദേശിച്ചു.