November 04, 2021
November 04, 2021
കോവിഡ് വൈറസ് വ്യാപനത്തിന്റെ വ്യാപ്തി കുറഞ്ഞതോടെ ഒമാനിലെ വിദ്യാഭ്യാസരംഗം പഴയപടിയാവുന്നു. വിദ്യാഭ്യാസമന്ത്രാലയത്തിന്റെ മാനദണ്ഡങ്ങൾ കൃത്യമായി പാലിച്ചുകൊണ്ട് ക്ലാസുകൾ ആരഭിക്കാമെന്ന് ഡയറക്ടർ ബോർഡ് നിർദേശം നൽകിയിട്ടുണ്ട്. ഇതോടെ, ഒമാനിലെ വിവിധ ഇന്ത്യൻ സ്കൂളുകൾ പൂർണമായും പ്രവർത്തിച്ചു തുടങ്ങി.
സൂർ സ്കൂൾ പൂർണമായും തുറന്ന് പ്രവർത്തിക്കാൻ ആരംഭിച്ചപ്പോൾ, അൽ ഗുബ്റ സ്കൂളിലെ കെജി ക്ലാസുകളും, ആറുമുതൽ പന്ത്രണ്ട് വരെയുള്ള ക്ലാസുകളുമാണ് ആദ്യഘട്ടത്തിൽ തുറന്നത്. ബാക്കി ക്ലാസുകൾക്ക് അടുത്ത ആഴ്ച്ച മുതൽ സ്കൂളിൽ എത്താമെന്ന് അൽ ഗുബ്റ സ്കൂൾ അധികൃതർ അറിയിച്ചു. ഈ മാസം 17 മുതൽ ക്ലാസുകൾ ആരംഭിക്കുമെന്ന് മസ്കത്ത് സ്കൂൾ അറിയിച്ചിട്ടുണ്ട്. അഞ്ചുമുതൽ എട്ടുവരെ ക്ലാസുകൾക്ക് ആഴ്ചയിൽ രണ്ട് ക്ലാസുകൾ വീതമാണ് തുടക്കത്തിൽ ഉണ്ടാവുക. ദാർസൈത്ത് ഇന്ത്യൻ സ്കൂൾ, വാദി കബീർ ഇന്ത്യൻ സ്കൂൾ എന്നിവയും ഏറെ വൈകാതെ ക്ലാസുകൾ ആരംഭിക്കുമെന്ന് രക്ഷിതാക്കളെ അറിയിച്ചു കഴിഞ്ഞു. സാമൂഹിക അകലം പാലിച്ച്, കോവിഡ് മാനദണ്ഡങ്ങൾ അനുസരിച്ചുകൊണ്ടാവും സ്കൂളുകളുടെ പ്രവർത്തനം.
