February 14, 2022
February 14, 2022
മസ്കത്ത് : തിങ്കളാഴ്ച്ച പുലർച്ചെ മുതൽ മസ്കത്ത് ഗവർണറേറ്റിലെ വിവിധ വിലായത്തുകളിൽ ശക്തമായ മഴയാണ് അനുഭവപ്പെട്ടത്. മഴയും പൊടിക്കാറ്റും മൂലമുണ്ടായ വിവിധ അപകടങ്ങളിൽ ഒരാൾ മരിച്ചതായും, നാല് പേർക്ക് പരിക്കേറ്റതായും അധികൃതർ അറിയിച്ചു. മത്ര വിലായത്തിലെ ജിബ്റൂഹിൽ വെള്ളക്കെട്ടിൽ കുടുങ്ങിയ പ്രവാസിയാണ് മരണമടഞ്ഞത്.
മരിച്ച വ്യക്തി ഏത് രാജ്യക്കാരനാണെന്ന വിവരം ലഭ്യമല്ല. വാഹനത്തിൽ സുഹൃത്തിനൊപ്പം യാത്ര ചെയ്യവേ വെള്ളക്കെട്ടിൽ അകപെടുകയായിരുന്നു. ഇരുവരെയും പോലീസെത്തി രക്ഷിച്ചെങ്കിലും, ശ്വാസംമുട്ടൽ രൂക്ഷമായതോടെ പ്രവാസി മരണപ്പെടുകയായിരുന്നു. തെക്കൻ ഗുബ്രയിലുണ്ടായ മറ്റൊരു അപകടത്തിൽ പെട്ട മൂന്ന് പേരെ ദുരന്തനിവാരണസേന രക്ഷപ്പെടുത്തി. ഇവരുടെ ആരോഗ്യനില തൃപ്തികരമാണ്.