July 08, 2021
July 08, 2021
ന്യൂയോര്ക്ക്്: ഹെയ്തി പ്രസിഡന്റ് ജോവനല് മോയിസിനെ വീട്ടില് കയറി വെടിവെച്ച് കൊന്ന സംഘത്തിലെ നാല് പേരെ വധിച്ചതായി പോലിസ് മേധാവി ലിയോണ് ചാള്സ്.സംഘത്തിലെ രണ്ട് പേരെ പിടികൂടിയെന്നും അദ്ദേഹം വ്യക്തമാക്കി. പ്രസിഡന്റിനെ കൊലപ്പെടുത്താനുള്ള ശ്രമത്തിനിടെ അക്രമി സംഘം തടങ്കലിലാക്കിയ മൂന്ന് പോലിസുകാരെ രക്ഷപ്പെടുത്തിയിട്ടുണ്ട്. ബുധനാഴ്ച രാവിലെയാണ് മോയിസിനെ അക്രമികള് വീടിനകത്ത് വെടിവെച്ച് കൊലപ്പെടുത്തിയത്. ഇദ്ദേഹത്തിന്റെ ഭാര്യയ്ക്ക് അക്രമികളുടെ വെടിയേറ്റ് ഗുരുതരമായി പരിക്കേറ്റിട്ടുണ്ട്. ഹെയ്തി സാഹചര്യം ചര്ച്ച ചെയ്യാന് ഐക്യരാഷ്ട്ര സഭ അടിയന്തിര യോഗം ചേരും.