January 11, 2020
January 11, 2020
മസ്കത്ത് : ഒമാന്‍ ഭരണാധികാരി സുല്‍ത്താന്‍ ഖാബൂസ് ബിന്‍ സഈദിന്റെ നിര്യാണത്തെ തുടര്‍ന്ന് ഹൈതം ബിന്‍ താരിഖ് ആല്‍ സഈദ് ബിൻ തൈമൂർ അടുത്ത ഒമാന്‍ സുല്‍ത്താനാകും. നിലവില്‍ പൈതൃക സാംസ്കാരിക മന്ത്രിയായ ഹൈതം ബിന്‍ താരിഖ് പുതിയ സുല്‍ത്താനായി സത്യപ്രതിജ്ഞ ചെയ്തതായി ഒമാനി മാധ്യമങ്ങള്‍ റിപ്പോര്‍ട്ട് ചെയ്തു. അതേസമയം പുതിയ സുല്‍ത്താനെ സംബന്ധിച്ച ഔദ്യോഗിക പ്രഖ്യാപനം പുറത്തുവന്നിട്ടില്ല.
വിവാഹ മോചിതനായ സുൽത്താൻ ഖാബൂസിന് മക്കളില്ലാത്തതിനാൽ കിരീടാവകാശിയെ നേരത്തെ പ്രഖ്യാപിച്ചിരുന്നില്ല. സുൽത്താന്റെ മരണശേഷം രാജകുടുംബവും സൈനിക മേധാവികളും ചേർന്നാണ് പുതിയ ഭരണ മേധാവിയെ തെരഞ്ഞെടുത്തത്.
