January 20, 2022
January 20, 2022
ദോഹ : ജി.സി.സി രാജ്യങ്ങളിൽ നടക്കുന്ന ട്രാഫിക് നിയമലംഘനങ്ങൾക്ക് ഏകീകൃത സ്വഭാവം നൽകാൻ പദ്ധതി തയ്യാറാവുന്നു. ഖത്തറാണ് ഈ നീക്കത്തിന് മുൻകൈ എടുക്കുന്നത്. അൽ റയ്യാൻ ടീവിയിലെ പരിപാടിയിൽ ട്രാഫിക് വിഭാഗം മേധാവി മുഹമ്മദ്‌ റാബിയ അൽ കുവാരിയാണ് പദ്ധതിയുടെ വിവരങ്ങൾ പങ്കുവെച്ചത്.
നിലവിൽ ഈ പദ്ധതി പ്രാരംഘട്ടത്തിൽ ആണെന്നും, ഏറെ വൈകാതെ പ്രാവർത്തികമാക്കാൻ കഴിയുമെന്നാണ് പ്രതീക്ഷയെന്നും കുവാരി അറിയിച്ചു. ഖത്തറും സൗദിയുമാണ് ആദ്യ ഘട്ടത്തിൽ ട്രാഫിക് നിയമലംഘനങ്ങൾ ഏകീകരിക്കാൻ ഒരുങ്ങുന്നതെങ്കിലും, മറ്റ് ഗൾഫ് രാജ്യങ്ങളും വൈകാതെ ഈ പദ്ധതിയുടെ ഭാഗമാകും. ഈ നിയമം നടപ്പിൽ വന്നാൽ, ഖത്തർ രജിസ്‌ട്രേഷൻ ഉള്ള വാഹനങ്ങൾ മറ്റ് ജിസിസി രാജ്യങ്ങളിൽ നിയമലംഘനം നടത്തിയാൽ, മെത്രാഷ് 2 ആപ്പിലൂടെ പിഴ അടക്കാൻ കഴിയും.
