February 12, 2022
February 12, 2022
മസ്കത്ത് : റൂവിയിലെ വ്യാപാരസ്ഥാപനത്തിൽ ഉണ്ടായ തീപ്പിടുത്തത്തിൽ 11 പേർക്ക് പരിക്കേറ്റതായി സിവിൽ ഡിഫൻസ് ആൻഡ് ആംബുലൻസ് അധികൃതർ അറിയിച്ചു. ആരുടെയും പരിക്ക് ഗുരുതരമല്ല. രണ്ട് പേരെ ആശുപത്രിയിലേക്ക് മാറ്റിയിട്ടുണ്ടെന്നും, ബാക്കിയുള്ളവർക്ക് പ്രാഥമിക ചികിത്സ നൽകിയ ശേഷം വിട്ടയച്ചെന്നും അധികൃതർ അറിയിച്ചു. ഇന്നലെ രാത്രി ഒമാൻ സമയം ഏഴ് മണിക്കാണ് റൂവിയിലെ ദോഫാർ വ്യാപാരബിൽഡിങ്ങിൽ അഗ്നിബാധ ഉണ്ടായത്.
അപകടത്തെ തുടർന്ന് നഗരത്തിലാകെ കറുത്ത പുക ഉയർന്നത് ആളുകളെ പരിഭ്രാന്തരാക്കി. നിരവധി അഗ്നിശമന സേനാ യൂണിറ്റുകൾ സ്ഥലത്തെത്തിയാണ് തീ നിയന്ത്രണവിധേയമാക്കിയത്. സമീപത്തെ കടകളിൽ ഉള്ള ആളുകളെ ഒഴിപ്പിച്ചായിരുന്നു രക്ഷാപ്രവർത്തനം. അപകടത്തിന്റെ കാരണം ഇതുവരെ വ്യക്തമല്ലെങ്കിലും, ഷോർട്ട് സർക്യൂട്ട് ആണെന്നാണ് പ്രാഥമിക നിഗമനം.
