December 19, 2021
December 19, 2021
ദോഹ : അറബിയെ ഫിഫയുടെ ഔദ്യോഗിക ഭാഷകളിൽ ഒന്നാക്കി മാറ്റുന്ന കാര്യം പരിഗണനയിലാണെന്ന് ഫിഫ പ്രസിഡന്റ് ജിയാനി ഇൻഫന്റിനോ. ദേശീയ ദിന ആഘോഷങ്ങൾ വീക്ഷിക്കാൻ അതിഥിയായി എത്തിയ ഇൻഫന്റിനോ, സമൂഹമാധ്യമത്തിലൂടെയാണ് ഈ തീരുമാനം അറിയിച്ചത്. നിലവിൽ ഇംഗ്ലീഷ് ഫ്രഞ്ച്, ജർമൻ, സ്പാനിഷ് ഭാഷകൾക്കാണ് ഫിഫയിൽ ഔദ്യോഗിക പദവി ഉള്ളത്.
ഖത്തർ ദേശീയദിനത്തിനൊപ്പം ആചരിക്കപ്പെട്ട യുഎൻ അന്താരാഷ്ട്ര അറബി ഭാഷാ ദിനത്തെ മുൻനിർത്തിയാണ് ഈ പ്രഖ്യാപനം. ഖത്തറിലെയും, മിഡിൽ ഈസ്റ്റിലെ മറ്റ് രാജ്യങ്ങളിലെയും നിക്ഷേപകരുമായി കൂടിയാലോചിച്ച ശേഷമാണ് ഫിഫ ഇക്കാര്യം തീരുമാനിച്ചത്. 23 രാജ്യങ്ങളെ ഉൾപ്പെടുത്തി നടത്തിയ ഫിഫ അറബ് കപ്പ് വൻവിജയമായി എന്നും ഫിഫ വിലയിരുത്തി. വരുന്ന വർഷങ്ങളിലും ഈ ടൂർണമെന്റ് ഫിഫയ്ക്ക് കീഴിൽ തന്നെ അരങ്ങേറും.
