April 14, 2022
April 14, 2022
മസ്കത്ത് : ഒമാനിലെ വടക്കൻ ബാത്തിന ഗവർണറേറ്റിൽ ഉണ്ടായ വാഹന അപകടത്തിൽ മൂന്ന് വിദ്യാർത്ഥിനികൾ മരിച്ചു. നിയന്ത്രണം വിട്ട ബസ് മറിഞ്ഞാണ് അപടമുണ്ടായത്. സഹം വിലായത്തിൽ ഇന്ന് നടന്ന അപകടത്തിൽ ഏഴ് പേർക്ക് ഗുരുതരമായി പരിക്കേറ്റതായും അധികൃതർ അറിയിച്ചു.
റോയൽ ഒമാൻ പോലീസും സിവിൽ ഡിഫൻസും ചേർന്നാണ് അപകടസ്ഥലത്ത് രക്ഷാപ്രവർത്തനത്തിന് മേൽനോട്ടം വഹിച്ചത്. മരണപ്പെട്ടവരുടെ പേരുവിവരങ്ങൾ അധികൃതർ ഇതുവരെ പുറത്തുവിട്ടിട്ടില്ല. ഏതാനും ദിവസങ്ങൾക്ക് മുൻപ് അൽവുസ്ത ഗവർണറേറ്റിൽ ഉണ്ടായ വാഹന അപകടത്തിൽ മൂന്ന് അധ്യാപകർ കൊല്ലപ്പെട്ടിരുന്നു.