October 23, 2019
October 23, 2019
ലണ്ടൻ : ലണ്ടനില് ഒരു ട്രക്ക് കണ്ടെയ്നറില് 39 മൃതദേഹങ്ങള് കണ്ടെത്തി. ഈസ്റ്റ് ലണ്ടനിലെ ഇന്ഡസ്ട്രിയല് എസ്റ്റേറ്റില് നിന്നാണ് മൃതദേഹങ്ങള് കണ്ടെത്തിയത്. ആംബുലന്സ് സര്വീസുകാരാണ് ഈസ്റ്റ് ലണ്ടനിലെ വാട്ടര്ഗ്ലേഡ് ഇന്ഡസ്ട്രിയല് പാര്ക്കില് രാത്രി ഒരു മണിക്ക് ശേഷം ട്രക്ക് കണ്ടെത്തിയത്. കൊല്ലപ്പെട്ടവരില് ഒരാള് ഒഴികെ ബാക്കിയുള്ളവരെല്ലാം പ്രായപൂര്ത്തിയായവരാണ്.
25കാരനായ ട്രക്ക് ഡ്രൈവറെ പൊലീസ് അറസ്റ്റ് ചെയ്തതായി ബിബിസി റിപ്പോര്ട്ട്ചെയ്തു. ഇയാൾ നോര്ത്തേണ് അയർലൻഡ് സ്വദേശിയാണ്. പൊലീസ് അന്വേഷണം തുടങ്ങിയിട്ടുണ്ട്. ബള്ഗേറിയയില് നിന്ന് വന്ന ട്രക്ക് ആണിത്. ആംഗ്ലിസിയ, ഹോളിഹെഡ് വഴിയാണ് ട്രക്ക് എത്തിയത് എന്ന് കരുതുന്നു. സംഭവത്തില് പ്രധാനമന്ത്രി ബോറിസ് ജോണ്സണ് നടക്കം രേഖപ്പെടുത്തി.
താന് അധികൃതരുമായി നിരന്തരം ബന്ധപ്പെടുന്നുണ്ടെന്നും ആഭ്യന്തര വകുപ്പ്, എസ്സെക്സ് പൊലീസുമായി നിരന്തര സമ്ബര്ക്കത്തിലാണ് എന്നും ബോറിസ് ജോണ്സണ് ട്വീറ്റ് ചെയ്തു.