January 14, 2021
January 14, 2021
മനാമ : സമുദ്രാതിർത്തി ലംഘിച്ചതിന് ഖത്തർ തടഞ്ഞുവെച്ച മൂന്നു പേരെ വിട്ടയച്ചതായി ബഹ്റൈൻ ആഭ്യന്തര മന്ത്രാലയം അറിയിച്ചു.ബഹ്റൈനിലെ പ്രാദേശിക പത്രമാണ് ഇക്കാര്യം റിപ്പോർട്ട് ചെയ്തത്.ബഹ്റൈൻ പൗരന്മാരായ ഇബ്രാഹിം അൽ ഹദ്ദാദ്,മുഹമ്മദ് യുസുഫ് അൽ ദോസരി എന്നിവരെ ജനുവരി എട്ടിനാണ് ഖത്തർ സമുദ്രാതിർത്തിയിലേക്ക് അതിക്രമിച്ചു കടന്നതിന് ഖത്തർ കോസ്റ്റ് ഗാർഡ് കസ്റ്റഡിയിൽ എടുത്തത്.ഹബീബ് അബ്ബാസ് എന്ന നാവികൻ ഇതേ കുറ്റത്തിന് ഡിസംബർ മൂന്നിനാണ് കസ്റ്റഡിയിൽ എടുത്തത്.ഇവർ മൂന്നുപേരും തിരിച്ചെത്തിയതായി ഒമാനിലെ ബഹ്റൈൻ എംബസി പ്രസ്താവനയിൽ സ്ഥിരീകരിച്ചു.
അതേസമയം ഇവർ സഞ്ചരിച്ച ബോട്ട് ഇപ്പോഴും കസ്റ്റഡിയിലാണെന്നും റിപ്പോർട്ടിൽ പറയുന്നു.
ന്യൂസ്റൂം വാർത്തകൾക്കും തൊഴിൽ പരസ്യങ്ങൾ നൽകാനും +974 6620 0167 എന്ന വാട്സ്ആപ് നമ്പറിൽ ബന്ധപ്പെടുക