September 03, 2020
September 03, 2020
മനാമ : പ്രവാസ ജീവിതം അവസാനിപ്പിച്ച്‌ ഇന്ന് നാട്ടിലേക്ക് മടങ്ങാനിരുന്ന മലപ്പുറം ആതവനാട് സ്വദേശി ഗോപാലന്‍ ടി.പി (63) ബഹ്‌റൈനിൽ പൊള്ളലേറ്റ് മരിച്ചു.ഇസാ ടൗണിന് സമീപത്തെ താമസ സ്ഥലത്ത് ബുധനാഴ്ച രാത്രിയാണ് തീപിടുത്തമുണ്ടായത്. സംഭവമറിഞ്ഞ അയല്‍വാസികള്‍ എത്തിയപ്പോള്‍ ഇദ്ദേഹത്തെ മുറിയില്‍ ഗുരുതരമായി പൊള്ളലേറ്റ നിലയില്‍ കണ്ടെത്തുകയായിരുന്നു. ഒപ്പമുണ്ടായിരുന്ന ഗോവ സ്വദേശി പൊള്ളലേറ്റ് ചികിത്സയിലാണ്.
നാട്ടിലേക്ക് പോകാനുള്ള തയ്യാറെടുപ്പുകള്‍ പൂര്‍ത്തിയാക്കി വിമാനത്താവളത്തിലേക്ക് പുറപ്പെടാനിരിക്കെയായിരുന്നു അപകടം.35 വര്‍ഷമായി ബഹ്റൈനില്‍ ഉള്ള ഗോപാലന്‍ ഡ്രൈവറായി ജോലി ചെയ്തുവരികയായിരുന്നു. ഇന്ന് രാവിലെ കോഴിക്കോട്ടേക്ക് പുറപ്പെട്ട എയര്‍ ഇന്ത്യ എക്സ്പ്രസ് വിമാനത്തിലേക്ക് ടിക്കറ്റെടുത്തിരുന്നു.
വിമലയാണ് ഭാര്യ. മക്കള്‍: വിപിന്‍, ഷീന, നന്ദന.
ന്യൂസ്‌റൂം വാർത്തകൾ ടെലഗ്രാമിൽ ലഭിക്കാൻ ഈ ലിങ്കിൽ ചേരുക.വാർത്തകൾ വാട്സ്ആപ്പിൽ ലഭിക്കാൻ +974 66200167 എന്ന നമ്പറിൽ ബന്ധപ്പെടുക.
