July 01, 2021
July 01, 2021
മനാമ:കുട്ടികളുടെ ആരോഗ്യത്തിന് ഹാനികരമായ വിഷപദാര്ഥങ്ങള് അടങ്ങിയ കളിപ്പാട്ടങ്ങള് നിരോധിച്ച് ബഹറൈന്. വിപണിയില് നിന്നും 1500ഓളം കളിപ്പാട്ടങ്ങളാണ് പിന്വലിക്കാന് അധികൃതര് നിര്ദ്ദേശം നല്കിയത്. വാണിജ്യ,വ്യാപാര മന്ത്രാലയത്തിന്റെ നേതൃത്വത്തില് കളിപ്പാട്ടങ്ങള് വില്ക്കുന്ന കടകളില് നടത്തിയ പരിശോധനയിലാണ് ഇവ കണ്ടെത്തിയത്. കുട്ടികളില് ഗുരുതരമായ ആരോഗ്യ പ്രശ്നങ്ങള് സൃഷ്ടിക്കുന്ന രാസപദാര്ഥങ്ങള് ഇവയില് അടങ്ങിയിട്ടുണ്ടെന്നാണ് കണ്ടെത്തിയത്. രാജ്യത്ത് കളിപ്പാട്ടങ്ങള് ഇറക്കുമതി ചെയ്യുമ്പോള് ഗള്ഫ് ടെക്നിക്കല് റെഗുലേഷന് കൗണ്സിലിന്റെ മാനദണ്ഡങ്ങള് പാലിക്കുന്നവയാണെന്ന് ഉറപ്പുവരുത്തണമെന്ന് നിബന്ധനയുണ്ട്. ഇതില് വീഴ്ച വരുത്തുന്നവര്ക്കെതിരേ നിയമ നടപടി സ്വീകരിക്കുമെന്നും അധികൃതര് അറിയിച്ചു.