July 10, 2021
July 10, 2021
റിയാദ് : ദുല്ഹിജ്ജ മാസപ്പിറവി ദൃശ്യമാകാത്ത സാഹചര്യത്തില് സഊദി അറേബ്യയില് അറഫ ദിനം ജൂലൈ 19നും ബലിപെരുന്നാൾ 20നുമായിരിക്കുമെന്ന് അധികൃതര് അറിയിച്ചു. വിശുദ്ധ ഹജ്ജ് കര്മത്തിന്റെ ഏറ്റവും സുപ്രധാന ചടങ്ങായ അറഫാ സംഗമം 19ന് നടക്കും.
ദുല്ഖഅദ് 29 ന് വൈകുന്നേരം ദുല് ഹിജ്ജ മാസപ്പിറവി നിരീക്ഷിക്കാന് രാജ്യത്തെ വിശ്വാസികളോട് സുപ്രീം കോടതി ആഹ്വാനം ചെയ്തിരുന്നു. എന്നാല് എവിടെയും മാസപ്പിറവി ദൃശ്യമായതായി വിവരം ലഭിച്ചിരുന്നില്ല.
കേരളത്തില് നാളെയാണ് ദുല്ഖഅദ് 29. മാസപ്പിറവി ദര്ശിച്ചാല് അറിയിക്കണമെന്ന് വിവിധ ഖാസിമാര് അറിയച്ചിട്ടുണ്ട്.