Breaking News
ഔദ്യോഗിക സന്ദര്‍ശനത്തിനായി ഒമാന്‍ ആഭ്യന്ത്രമന്ത്രി ഖത്തറിൽ എത്തി | ഭക്ഷണം പാഴാക്കുന്നത് കുറയ്ക്കണമെന്ന് ജനങ്ങളോട് അഭ്യര്‍ത്ഥിച്ച് ഖത്തര്‍ മുന്‍സിപ്പാലിറ്റി-പരിസ്ഥിതി മന്ത്രാലയം | ഖത്തറിലെ സൗദി എംബസി ദിവസങ്ങള്‍ക്കുള്ളില്‍ വീണ്ടും തുറക്കുമെന്ന് സൗദി വിദേശകാര്യ മന്ത്രി | 'വാഗ്ദാനങ്ങള്‍ പാലിച്ചുകൊണ്ട് ഞാന്‍ ആരംഭിക്കുന്നു'; മുസ്‌ലിംകൾക്കുള്ള  വിലക്ക് റദ്ദാക്കി ജോ ബെയ്ഡന്‍ | ജോ ബെയ്ഡനെ അഭിനന്ദിച്ച് ഖത്തര്‍ അമീര്‍; പുതിയ യു.എസ് പ്രസിഡന്റിനെ അഭിനന്ദിച്ച് മറ്റ് അറബ് രാജ്യങ്ങളും | കൊറോണ വൈറസ്: മിഡില്‍ ഈസ്റ്റിലെ എയര്‍ലൈനുകളുടെ ശേഷി 57.2 ശതമാനം കുറഞ്ഞു; ഈ വര്‍ഷം അവസാനത്തോടെ പഴയപടി ആയേക്കാമെന്ന് വിദഗ്ധര്‍ | 'സ്വേച്ഛാധിപതിയുടെ യുഗം അവസാനിച്ചു'; ട്രംപിന്റെ ഭരണം അവസാനിച്ചതില്‍ സന്തോഷം പ്രകടിപ്പിച്ച് ഇറാന്‍; ബെയ്ഡനെ സ്വാഗതം ചെയ്തു | ദോഹയിലെ നൈസ് വാട്ടർ ഉടമ ബദറുസ്സമാന്റെ പിതാവും അധ്യാപകനുമായ സി.ടി അബ്ദുൽ ജബ്ബാർ മാസ്റ്റർ നിര്യാതനായി  | യു.എ.ഇയിൽ വീട്ടുജോലിക്കാരെ നിയമിക്കുന്ന എല്ലാ സ്വകാര്യ ഏജന്‍സികളും ഈ വര്‍ഷം മാര്‍ച്ചോടെ അടച്ചു പൂട്ടും | നാല് രാജ്യങ്ങളില്‍ നിന്ന് ഖത്തറില്‍ എത്തുന്നവര്‍ക്ക് ക്വാറന്റൈന്‍ ഇളവുകള്‍ ലഭിക്കില്ലെന്ന് പൊതുജനാരോഗ്യ മന്ത്രാലയം |
ഖത്തറിലെ മധ്യസ്ഥ ചര്‍ച്ചകളുടെ വിശദാംശങ്ങള്‍ ജനങ്ങളെ അറിയിക്കണമെന്ന് പ്രതിനിധി സംഘത്തോട് അഫ്ഗാന്‍ പ്രസിഡന്റ്

December 20, 2020

December 20, 2020

കാബൂള്‍: ദോഹയില്‍ നടക്കുന്ന അഫ്ഗാനിസ്ഥാന്‍-താലിബാന്‍ മധ്യസ്ഥ ചര്‍ച്ചകളുടെ വിശദാംശങ്ങള്‍ ജനങ്ങളെ അറിയിക്കണമെന്ന് ചര്‍ച്ചയില്‍ പങ്കെടുക്കുന്ന അഫ്ഗാന്‍ സര്‍ക്കാറിന്റെ പ്രതിനിധി സംഘത്തോട് പ്രസിഡന്റ് മുഹമ്മദ് അഷ്‌റഫ് ഘനി. ചര്‍ച്ചാ സംഘത്തിന്റെ തലവന്മാരുമായി ശനിാഴ്ച നടത്തിയ കൂടിക്കാഴ്ചയിലാണ് അദ്ദേഹം ഇക്കാര്യം പറഞ്ഞത്. കാബൂളിലെ പ്രസിഡന്‍ഷ്യല്‍ പാലസില്‍ വച്ചായിരുന്നു കൂടിക്കാഴ്ച. 

പ്രഥമ വനിത വൈസ് പ്രസിഡന്റുമാര്‍, ദേശീയ അനുരഞ്ജന ഉന്നത കൗണ്‍സില്‍ ചെയര്‍മാന്‍ എന്നിവരും കൂടിക്കാഴ്ചയില്‍ പങ്കെടുത്തു. കൂടിക്കാഴ്ചയില്‍ താലിബാനുമായുള്ള ദോഹ സമാധാന ചര്‍ച്ചയുടെ ആദ്യഘട്ടത്തിന്റെ റിപ്പോര്‍ട്ട് ചര്‍ച്ചാ സംഘം പ്രസിഡന്റിന് കൈമാറിയതായി പ്രസിഡന്റിന്റെ ഓഫീസ് പ്രസ്താവനയില്‍ അറിയിച്ചു. 


Also Read: പ്രധാനമന്ത്രിയുടെ സ്വീകരണ ചടങ്ങ് നടക്കാനിരുന്ന സ്റ്റേഡിയത്തിൽ ചാവേര്‍ ആക്രമണം; സൊമാലിയയില്‍ 15 പേര്‍ കൊല്ലപ്പെട്ടു


താലിബാനുമായുള്ള സമാധാന ചര്‍ച്ചയുടെ ആദ്യഘട്ടത്തില്‍ ഇസ്‌ലാമിക് റിപ്പബ്ലിക് ഓഫ് അഫ്ഗാനിസ്ഥാനെ ഫലപ്രദമായി പ്രതിനിധീകരിച്ചതിന് സംഘത്തോട് പ്രസിഡന്റ് മുഹമ്മദ് അഷ്‌റഫ് ഘനി നന്ദി പറഞ്ഞു. ദോഹ ചര്‍ച്ചയുടെ ആദ്യഘട്ടത്തിന്റെ വിശദാംശങ്ങള്‍ ജനങ്ങളോട് പങ്കിടാന്‍ അദ്ദേഹം ചര്‍ച്ചാ സംഘത്തോട് ആവശ്യപ്പെട്ടു. 

ദോഹ ചര്‍ച്ചയുടെ രണ്ടാം ഘട്ടം തുടങ്ങുന്നതിന് മുമ്പായി ജനങ്ങളുമായി കൂടിയാലോചന നടത്താനും അദ്ദേഹം ചര്‍ച്ചാ സംഘത്തോട് നിര്‍ദ്ദേശിച്ചു. സമാധാന പ്രക്രിയയില്‍ സമൂഹത്തിലെ എല്ലാ വിഭാഗങ്ങളുടെയും വീക്ഷണങ്ങള്‍ ഉള്‍ക്കൊള്ളിക്കാനായാണ് ഇതെന്നും അദ്ദേഹം കൂട്ടിച്ചേര്‍ത്തു.


ന്യൂസ് റൂം ഫേസ്ബുക്ക് പേജ് ലൈക്ക് ചെയ്യാനായി ഇവിടെ ക്ലിക്ക് ചെയ്യുക.

ന്യൂസ് റൂം വാര്‍ത്തകള്‍ ടെലിഗ്രാമില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യുക.

ന്യൂസ് റൂം വാര്‍ത്തകള്‍ വാട്ട്‌സ്ആപ്പില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യുക.


ന്യൂസ്‌റൂം വാർത്തകൾ ടെലിഗ്രാമിൽ ലഭിക്കാൻ ജോയിൻ ചെയ്യുക

Latest Related News