March 24, 2023
March 24, 2023
അൻവർ പാലേരി
ദോഹ : ദോഹയിലെ മൻസൂറയിൽ ബഹുനില കെട്ടിടം തകർന്നുണ്ടായ അപകടത്തിന് പിന്നാലെ കാസർകോട് സ്വദേശിയായ യുവാവിനെ കാണാനില്ലെന്ന് പരാതി.കാസർകോട് പുളിക്കൂർ സ്വദേശി അഷ്‌റഫ് എന്ന അച്ചപ്പുവിനെയാണ് കാണാതായത്.അപകടത്തിൽ പെട്ട കെട്ടിടത്തിലാണ് ഇദ്ദേഹം താമസിച്ചിരുന്നതെന്ന് ബന്ധുക്കളും സുഹൃത്തുക്കളും പറയുന്നു.അപകടത്തിന് ശേഷം ഇദ്ദേഹത്തെ കുറിച്ച് ഒരു വിവരവും ലഭിച്ചില്ലെന്നും മൊബൈൽ ഫോൺ സ്വിച്ച്ഡ് ഓഫാണെന്നും ബന്ധുക്കൾ 'ന്യൂസ്‌റൂ'മിനോട് പറഞ്ഞു.ഒരു മാസം മുമ്പാണ് അഷ്‌റഫ് ഖത്തറിൽ എത്തിയത്.
ഖത്തറിലെ വിവിധ ആശുപത്രികളിൽ ഉൾപെടെ ഇദ്ദേഹത്തെ കുറിച്ച് അന്വേഷിച്ചെങ്കിലും ഇതുവരെ വിവരമൊന്നും ലഭിച്ചിട്ടില്ല.
കഴിഞ്ഞ ബുധനാഴ്ച രാവിലെയാണ് മൻസൂറയിൽ അറ്റകുറ്റ പണികൾ നടക്കുകയായിരുന്ന ബഹുനില കെട്ടിടത്തിന്റെ ഒരു ഭാഗം തകർന്നുവീണത്.അപകടത്തിൽ ഒരാൾ മരിച്ചതായി ആഭ്യന്തര മന്ത്രാലയം സ്ഥിരീകരിച്ചിട്ടുണ്ട്.എന്നാൽ ഇയാളുടെ പേരുവിവരങ്ങൾ പുറത്തുവിട്ടിട്ടില്ല.പന്ത്രണ്ട് കുടുംബങ്ങളെ മാറ്റിപ്പാർപ്പിച്ചതായും രണ്ടു സ്ത്രീകളെ രക്ഷപ്പെടുത്തിയതായും അധികൃതർ അറിയിച്ചിരുന്നു.അപകടത്തിനിടയായ സാഹചര്യത്തെ കുറിച്ച് വിശദമായ അന്വേഷണം തുടങ്ങിയിട്ടുണ്ട്.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/BA70KEJMeBmGW92ahNcBva
