May 24, 2023
May 24, 2023
ന്യൂസ്‌റൂം ബ്യുറോ
തിരുവനന്തപുരം: പ്രവാസിയെ തിരുവനന്തപുരം മെഡിക്കല്‍ കോളജ് ആശുപത്രിയിലെ ശുചിമുറിയില്‍ തൂങ്ങിമരിച്ച നിലയില്‍ കണ്ടെത്തി.
കുടപ്പനക്കുന്ന് ടി.സി.5/605 വിശ്വഭാരതി തെക്കേ വീട്ടില്‍ വി.ആര്‍. കണ്ണന്‍ (35) ആണ് മരിച്ചത്. ഇന്നലെ ഉച്ചയ്ക്ക് 1.45 നാണ് എംആര്‍ഐ സ്കാനിംഗ് യൂണിറ്റിന് സമീപത്തുള്ള ശുചിമുറിയില്‍ തൂങ്ങി മരിച്ച നിലയില്‍ കണ്ടെത്തിയത്.മുമ്പ് ഖത്തറില്‍ ജോലി നോക്കിയിരുന്നു.
ഏറെ നേരമായി ശുചി മുറിയിലെ വാതില്‍ തുറക്കാത്തതിനെ തുടര്‍ന്ന് വിവരം സുരക്ഷാ ജീവനക്കാരെ അറിയിക്കുകയായിരുന്നു. തുടര്‍ന്ന് വാതില്‍ തള്ളിത്തുറന്ന് നടത്തിയ പരിശോധനയിലാണ് യുവാവിനെ തൂങ്ങിയ നിലയില്‍ കണ്ടെത്തിയത്.
മരണ കാരണം അറിവായിട്ടില്ല. മുമ്പ് പിതാവിന്‍റെ ചികിത്സയുടെ ഭാഗമായി കണ്ണന്‍ നിരവധി തവണ മെഡിക്കല്‍ കോളജ് ആശുപത്രിയില്‍ വന്നിട്ടുണ്ട്. അവിവാഹിതനാണ്. പിതാവ്: വേണു. സഹോദരങ്ങള്‍:ഗോപിക, യുവരാജ്, ശിവജി. മൃതദേഹം ആശുപത്രി മോര്‍ച്ചറിയില്‍.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/CnQu0Sm89HsFGubs4fWsFe
