September 07, 2019
September 07, 2019
ദോഹ : 2022 ഫിഫ ലോകകപ്പിനായുള്ള യോഗ്യതാമത്സരങ്ങളുടെ രണ്ടാംറൗണ്ടിലെ ആദ്യ മത്സരത്തില്‍ ഖത്തര്‍ അഫ്ഗാനിസ്താനെ എതിരില്ലാത്ത ആറു ഗോളുകള്‍ക്ക് പരാജയപ്പെടുത്തി.വ്യാഴാഴ്ച വൈകീട്ട് 7.30ന് ജാസിം ബിന്‍ ഹമദ് സ്റ്റേഡിയത്തിലായിരുന്നു മത്സരം. ഏഷ്യന്‍കപ്പിലെ ഏറ്റവും മൂല്യമേറിയ താരവും ഗോള്‍ഡന്‍ ബൂട്ട് ജേതാവുമായ അല്‍മുഇസ് അലിയുടെ ഹാട്രിക്കാണ് ഖത്തറിെന്‍റ വിജയം സുഗമമാക്കിയത്. ആതിഥേയരാജ്യമെന്ന നിലയിൽ ഖത്തറിന് ലോകചമ്പ്യാൻഷിപ്പിന് യോഗ്യതയുണ്ടെങ്കിലും യോഗ്യതാ മത്സരങ്ങളെ ഗൗരവത്തോടെ തന്നെയാണ് ഖത്തർ കാണുന്നത്.
ഗ്രൂപ്പില്‍ നടന്ന രണ്ടാം മത്സരത്തില്‍ ഒമാന്‍ ഒന്നിനെതിരെ രണ്ടു ഗോളുകള്‍ക്ക് ഇന്ത്യയെ തോല്‍പിച്ചിരുന്നു.
ചൊവ്വാഴ്ച നടക്കുന്ന ഖത്തർ-ഇന്ത്യ ലോകകപ്പ് യോഗ്യതാ മത്സരം വ്യത്യസ്ത നിറഞ്ഞതായിരിക്കുമെന്ന് ഖത്തർ ദേശീയ ഫുട്‌ബോൾ ടീം പരിശീലകൻ ഫെലിക്‌സ് സാൻചെസ് അറിയിച്ചു. 2022 ലോകകപ്പ്, 2023 ഏഷ്യൻ കപ്പ് യോഗ്യതാ മത്സരങ്ങളുടെ രണ്ടാം റൗണ്ട് മത്സരത്തിലാണ് ഖത്തർ ഇന്ത്യയെ നേരിടുന്നത്. യോഗ്യതാ റൗണ്ടിൽ ഓരോ മത്സരവും വ്യത്യസ്തമാണെന്നും ഇന്ത്യയ്ക്കെതിരെ മികച്ച പ്രകടനം നടത്തുമെന്നും അദ്ദേഹം പറഞ്ഞു.
