May 30, 2022
May 30, 2022
ദോഹ : വാദി അൽ ബനാത്ത്, മെസൈമീർ എന്നിവിടങ്ങളിലെ ഫഹെസ് (FAHES) കേന്ദ്രങ്ങളിൽ വാഹനങ്ങളുടെ സാങ്കേതിക പരിശോധനനകൾക്ക് മുൻകൂട്ടി ഓൺലൈൻ വഴി ബുക്ക് ചെയ്യണമെന്ന് വൊഖൂദ് അറിയിച്ചു.ഇതിനായി വൊഖൂദ് മൊബൈൽ ആപ്പ് വഴിയാണ് ബുക് ചെയ്യേണ്ടത്.
2022 ജൂൺ 1 മുതൽ വൊഖൂദ് മൊബൈൽ ആപ്പിൽ വാഹന പരിശോധനക്കുള്ള ഓപ്ഷൻ നൽകുമെന്നും അധികൃതർ സമൂഹ മാധ്യമ അക്കൗണ്ട് വഴി അറിയിച്ചു.ഉപഭോക്താക്കളുടെ തിരക്ക് ഒഴിവാക്കാനും കാത്തിരിപ്പ് സമയം കുറക്കാനും ഇതിലൂടെ കഴിയുമെന്നാണ് അധികൃതർ പ്രതീക്ഷിക്കുന്നത്.
പ്ലേ സ്റ്റോറിൽ നിന്നോ ആപ്പ് സ്റ്റോറിൽ നിന്നോ വൊഖൂദ്( Wqod App) ആപ്പ് ഡൗൺലോഡ് ചെയ്യാം. മേൽപറഞ്ഞ രണ്ടു കേന്ദ്രങ്ങളിൽ ഏതെങ്കിലും ഒന്ന് തെരഞ്ഞെടുത്ത് സൗകര്യപ്രദമായ തീയതിയും സമയവും നൽകാവുന്നതാണ്.
അതേസമയം,മറ്റെല്ലാ സ്റ്റേഷനുകളിലും ആദ്യം വരുന്നവർക്ക് ആദ്യം സേവനം എന്ന മുൻഗണനാ ക്രമത്തിൽ പരിശോധന തുടരുമെന്നും വൊഖൂദ് അറിയിച്ചു.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
