November 13, 2022
November 13, 2022
ന്യൂസ് ഏജൻസി
ഇസ്‌താംബൂൾ :ഇന്ന്( ഞായറാഴ്ച )ഇസ്താംബൂളിലെ പ്രശസ്തമായ കാൽനടപ്പാതയായ ഇസ്തിക്‌ലാൽ അവന്യൂവിൽ ഉണ്ടായ സ്‌ഫോടനത്തിൽ നിരവധി പേർ മരിച്ചതായി റിപ്പോർട്ട്. ഒട്ടേറെ പേർക്ക് പരിക്കേറ്റതായും ഒരു മുതിർന്ന ഉദ്യോഗസ്ഥനെ ഉദ്ധരിച്ച് സിഎൻഎൻ ടർക്ക് റിപ്പോർട്ട് ചെയ്തു.
ഞായറാഴ്ച വൈകുന്നേരം 4:20 (13:20 GMT)നാണ് സ്‌ഫോടനം ഉണ്ടായതെന്ന് ഇസ്താംബുൾ ഗവർണർ അലി യെർലികായ ട്വീറ്റ് ചെയ്തു, എന്നാൽ എത്ര പേർ മരിച്ചുവെന്നോ സ്‌ഫോടനത്തിന്റെ കാരണമോ അദ്ദേഹം വ്യക്തമായിട്ടില്ല.
ഓൺലൈനിൽ പോസ്റ്റ് ചെയ്ത ഒരു വീഡിയോയിൽ വലിയ തീജ്വാലകളോടെയുള്ള ഉഗ്രസ്ഫോടനവും കാൽനട യാത്രക്കാർ തിരിഞ്ഞ് ഓടുന്നതും കാണാം..11 പേർക്ക് പരിക്കേറ്റതായാണ് സിഎൻഎൻ ടർക്ക് റിപ്പോർട്ട് ചെയ്യുന്നത്.
വിനോദസഞ്ചാരികൾക്കും നാട്ടുകാർക്കും പ്രിയപ്പെട്ട തിരക്കേറിയ നടപ്പാതയാണ് ഇസ്തിക്‌ലാൽ അവന്യൂ.തിരക്കേറിയ ഈ കേന്ദ്രത്തിൽ നിരവധി റെസ്റ്റോറന്റുകളും കടകളും മറ്റു സ്ഥാപനങ്ങളും പ്രവർത്തിക്കുന്നുണ്ട്.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/FxcpaKzzbtR4LadT0rnH7K എന്ന ലിങ്കിൽ ജോയിൻ ചെയ്യുക.
