October 23, 2022
October 23, 2022
ന്യൂസ്‌റൂം ബ്യുറോ
ദോഹ : ഖത്തറിൽ വെള്ളിയാഴ്ച രാത്രിയുണ്ടായ അതിദാരുണമായ അപകടത്തിൽ മൂന്ന് സ്വദേശി സഹോദരങ്ങൾ മരിച്ചതായി പ്രാദേശിക അറബ് ദിനപത്രമായ 'അൽ ശർഖ്' റിപ്പോർട്ട് ചെയ്തു.റിപ്പോർട്ട് പ്രകാരം വെള്ളിയാഴ്ച രാത്രി ഷമാൽ റോഡിനടുത്താണ് അപകടമുണ്ടായത്. സൈഫ് സയീദ് അൽ യിഫായി,സഹോദരിമാരായ നൂറ, മൗദ സയീദ് അൽ യിഫായി എന്നിവരാണ് മരണപ്പെട്ടത്.
സൈഫ് സയീദ് അൽ യിഫായി ദോഹയിലെ അഹമ്മദ് ബിൻ മുഹമ്മദ് സൈനിക കോളേജിൽ വിദ്യാർത്ഥിയായിരുന്നു.
മരണപ്പെട്ടവരുടെ അധ്യാപകരും സുഹൃത്തുക്കളും പരിചയക്കാരും അടക്കം നൂറ് കണക്കിന് ആളുകൾ സമൂഹമാധ്യമങ്ങളിൽ ദുഃഖം രേഖപ്പെടുത്തുകയും കുടുംബത്തിന് അനുശോചനം അറിയിക്കുകയും ചെയ്തു.
സൈഫ് നല്ല വിദ്യാർത്ഥിയും സഹപാഠികൾക്ക് പ്രിയപ്പെട്ടവനുമായിരുന്നെന്ന് ഖത്തർ യൂണിവേഴ്സിറ്റിയിലെ ഡോ; മുഹമ്മദ് ബിൻ റാഷിദ് അൽ മറായി ട്വീറ്റ് ചെയ്തു.ഇത് സംബന്ധിച്ച കൂടുതൽ വിവരങ്ങൾ ലഭ്യമല്ല.
മൃതദേഹങ്ങൾ ശനിയാഴ്ച വൻജനാവലിയുടെ സാന്നിധ്യത്തിൽ മെസൈമീർ ഖബർസ്ഥാനിൽ ഖബറടക്കി.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/KYKm2u8nQZBBNg2J0Y6mez എന്ന ലിങ്കിൽ ജോയിൻ ചെയ്യുക.വീഡിയോകൾ കാണാൻ https://www.youtube.com/c/NewsRoomme സബ്സ്ക്രൈബ് ചെയ്യുക
