November 14, 2022
November 14, 2022
ന്യൂസ്‌റൂം ബ്യുറോ
ദോഹ : ഫിഫ ലോകകപ്പ് ടിക്കറ്റുകൾ അനധികൃതമായി വിൽപന നടത്തിയ മൂന്നുപേരെ പോലീസ് അറസ്റ്റ് ചെയ്തു.അനൗദ്യോഗിക പ്ലാറ്റ്‌ഫോമുകൾ വഴി ലോകകപ്പ് ടിക്കറ്റുകൾ പുനർവിൽപ്പന നടത്തിയതിനാണ് വിവിധ രാജ്യക്കാരായ മൂന്ന് പേരെ കസ്റ്റഡിയിലെടുത്തത്.
ഫിഫയും ഖത്തർ സുപ്രീം കമ്മറ്റി ഫോർ ഡെലിവറി ആൻഡ് ലെഗസിയും അംഗീകരിച്ചിട്ടുള്ള നിർദ്ദിഷ്‌ട ഔട്ട്‌ലെറ്റുകൾ വഴി മാത്രമേ ലോകകപ്പ് ടിക്കറ്റുകൾപുനർവിൽപന നടത്താൻ അനുമതിയുള്ളൂ.ഫിഫയിൽ നിന്നോ അംഗീകൃത ബോഡികളിൽ നിന്നോ ലൈസൻസ് ഇല്ലാതെ ടിക്കറ്റുകൾ പുനർ വിൽപന നടത്തുന്നതും പുനർവിതരണം ചെയ്യുന്നതും കൈമാറ്റം നടത്തുന്നതും നിലവിലെ നിയമപ്രകാരം കുറ്റകരമാണ്.ഇക്കാര്യം ബന്ധപ്പെട്ടവർ നിരവധി തവണ മാധ്യമങ്ങൾ വഴി അറിയിച്ചിരുന്നു.
പ്രതികളെ തുടർനിയമ നടപടികൾക്കായി പ്രോസിക്യൂഷന് കൈമാറിയിട്ടുണ്ട്.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/FxcpaKzzbtR4LadT0rnH7K എന്ന ലിങ്കിൽ ജോയിൻ ചെയ്യുക.
