March 30, 2023
March 30, 2023
ന്യൂസ്‌റൂം ബ്യൂറോ
ദോഹ: ഖത്തര്‍ ഡി-റിങ് റോഡ് നാളെ(വെള്ളി)താല്‍ക്കാലികമായി അടച്ചിടുമെന്ന് പൊതുമരാമത്ത് അതോറിറ്റിയായ അഷ്ഗാല്‍ അറിയിച്ചു. ഡി-റിങ് റോഡില്‍ ഫിരീജ് അല്‍ അലി ഇന്റര്‍ചേഞ്ചിനോട് ചേര്‍ന്ന് കാല്‍നടയാത്രക്കാര്‍ക്കായി പാലം നിര്‍മ്മിക്കുന്നതിന്റെ ഭാഗമായാണ് റോഡ് അടച്ചിടുന്നതെന്ന് അധികൃതര്‍ വ്യക്തമാക്കി. ന്യൂ സലാറ്റ, ഫരീജ് അല്‍ അലി പ്രദേശങ്ങളെ ബന്ധിപ്പിക്കുന്നതായിരിക്കും പാലം.
നാളെ (വെള്ളിയാഴ്ച) പുലര്‍ച്ചെ 3 മുതല്‍ രാവിലെ 10 വരെയായിരിക്കും റോഡ് അടച്ചിടുക. അല്‍ അമീര്‍ സ്ട്രീറ്റ്, 22 ഫെബ്രുവരി സ്ട്രീറ്റ് അല്ലെങ്കില്‍ സല്‍വ റോഡ് എന്നിവിടങ്ങളിലേക്ക് പോകുന്നതിനായി യാത്രികര്‍ സി റിങ് റോഡോ ഇ റിങ് റോഡോ തിരഞ്ഞെടുക്കണമെന്ന് അധികൃതര്‍ നിര്‍ദ്ദേശിച്ചു.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI
