May 09, 2022
May 09, 2022
ദോഹ : ഖത്തറിലെ തിരൂർ പ്രദേശത്തെ പ്രവാസികളുടെ കൂട്ടായ്മയായ ടീം തിരൂർ അണിയിച്ചൊരുക്കിയ 'ഈദ് ഇശൽ' പരിപാടിക്ക് മികച്ച പ്രതികരണം. ടീം തിരൂരിന്റെ അംഗങ്ങളും കുടുംബങ്ങളും കുട്ടികളുമടക്കമുള്ളവർ പെരുന്നാളിന്റെ ഇശൽപെരുമയുമായി ഒത്തു ചേർന്നപ്പോൾ ഓൾഡ് ഐഡിയൽ ഇന്ത്യൻ സ്കൂളിൽ പെരുന്നാളാവേശം അലതല്ലി.നൗഷാദ് പൂക്കയിലിന്റെ നേതൃത്വത്തിലുള്ള ഗായകസംഘമാണ് സംഗീത പരിപാടിക്ക് നേതൃത്വം നൽകിയത്. ഗാനങ്ങൾ ആലപിച്ചു.
ഖത്തറിലെ പ്രവാസികൾക്കിടയിൽ അറിയപ്പെടുന്ന വിവിധ ഗായകർ ഗാനങ്ങൾ ആലപിച്ചു. ടീം തിരൂർ ഖത്തർ പ്രസിഡന്റ് അഷറഫ് ചിറക്കൽ പരിപാടി ഉൽഘാടനം ചെയ്തു.കഴിഞ്ഞ കാലയളവിൽ ടീം തിരൂർ ഖത്തറിനായി മികച്ച പ്രകടനം കാഴ്ച്ച വെച്ച പ്രവർത്തകർക്ക് ചടങ്ങിൽ സർട്ടിഫിക്കറ്റുകൾ വിതരണം ചെയ്തു.
ടീം തിരൂർ ഖത്തർ സെക്രട്ടറി സലീം കൈനിക്കര നന്ദി പറഞ്ഞു.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
