February 06, 2023
February 06, 2023
ന്യൂസ്‌റൂം ബ്യുറോ
ദോഹ: ഖത്തറിൽ പ്രവാസിയായ നാസിമുദ്ദീന്‍ കെ. മരക്കാറിന്റെ പ്രഥമ നോവലായ 'സ്നേഹമല്‍ഹാര്‍ ദോഹയിൽ പ്രകാശനം ചെയ്തു.ഖത്തര്‍ ഇന്ത്യന്‍ ഓഥേഴ്‌സ് ഫോറം പ്രസിഡന്റ് ഡോ.കെ.സി. സാബുവില നിന്ന് എഴുത്തുകാരിയും ഖത്തര്‍ ഇന്ത്യന്‍ ഓഥേഴ്‌സ് ഫോറം വൈസ് പ്രസിഡന്റുമായ ഷീല ടോമി പുസ്തകം ഏറ്റുവാങ്ങി.
ഐ.സി.സി പ്രസിഡന്റ് പി.എന്‍. ബാബുരാജന്‍, എഴുത്തുകാരന്‍ എം.ടി. നിലമ്പൂർ, റേഡിയോ മലയാളം സി.ഇ.ഒ അന്‍വര്‍ ഹുസൈന്‍, മാധ്യമപ്രവര്‍ത്തകരായ ഫൈസല്‍ ഹംസ, ശ്രീദേവി, തനിമ ഡയറക്ടര്‍ ആര്‍.എസ്. അബ്ദുല്‍ ജലീല്‍, എഫ്.സി.സി ഡയറക്ടര്‍ ഹബീബുറഹ്മാന്‍ കീഴിശേരി, തൃശൂര്‍ ജില്ല സൗഹൃദവേദി പ്രസിഡന്റ് മുഹമ്മദ് മുസ്തഫ, ലോക കേരളസഭ അംഗം ഷൈനി കബീര്‍ എന്നിവര്‍ സംസാരിച്ചു.
ഐ.സി.സി അശോക ഹാളില്‍ നടന്ന പ്രകാശനച്ചടങ്ങ് പി.എന്‍. ബാബുരാജന്‍ ഉദ്ഘാടനം ചെയ്തു. ഡോ. കെ.സി. സാബു അധ്യക്ഷത വഹിച്ചു. മജീദ് നാദാപുരം പുസ്തകപരിചയം നടത്തി. മലര്‍വാടി സംഘാംഗങ്ങള്‍ രാജ്യസ്നേഹഗാനം അവതരിപ്പിച്ചു.
ഖത്തര്‍ ഇന്ത്യന്‍ ഓഥേഴ്‌സ് ഫോറം സെക്രട്ടറി അഷ്‌റഫ് മടിയാരി സ്വാഗതവും ഖത്തര്‍ ഇന്ത്യന്‍ ഓഥേഴ്‌സ് ഫോറം അംഗം ഷംന ആസ്മി നന്ദിയും പറഞ്ഞു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/CZ8evyItpDFGmuyTIzjnaL എന്ന ലിങ്കിൽ ജോയിൻ ചെയ്യുക
