October 30, 2022
October 30, 2022
ന്യൂസ്‌റൂം ബ്യുറോ
ദോഹ : ലോകകപ്പ് സന്ദർശകർക്കായി ടൂർണമെന്റ് ചരിത്രത്തിലെ ആദ്യത്തെ അന്താരാഷ്ട്ര കോൺസുലർ സേവന കേന്ദ്രം ദോഹയിൽ പ്രവർത്തനം തുടങ്ങി.ദോഹ എക്സിബിഷൻ ആൻഡ് കൺവൻഷൻ സെന്ററിലാണ് ലോകകപ്പ് സംഘാടകരായ സുപ്രീം കമ്മറ്റി ഫോർ ഡെലിവറി ആൻഡ് ലെഗസി(എസ്.സി)പുതിയ സേവനകേന്ദ്രം തുറന്നത്.
ഉപപ്രധാനമന്ത്രിയും വിദേശകാര്യ മന്ത്രിയുമായ ശൈഖ് മുഹമ്മദ് ബിൻ അബ്ദുൽറഹ്മാൻ അൽതാനി ഉൽഘാടന ചടങ്ങിൽ പങ്കെടുത്തു.നവംബർ 20 മുതൽ ഡിസംബർ 18 വരെ നടക്കുന്ന ലോകകപ്പിൽ പങ്കെടുക്കാനായി വരുന്ന വിവിധ രാജ്യങ്ങളിൽ നിന്നുള്ള സദർശകർക്ക് ഇവിടെ നിന്ന് ആവശ്യമായ കോൺസുലാർ സേവനങ്ങൾ ലഭിക്കും.ലോകകപ്പിന് യോഗ്യത നേടിയ 31 രാജ്യങ്ങൾ ഉൾപ്പെടെ 40-ലധികം വിദേശ രാജ്യങ്ങളുമായി ചേർന്നാണ് സേവനം ഒരുക്കുന്നത്.നവംബർ 1 ചൊവ്വാഴ്‌ച മുതൽ രാവിലെ 10 മുതൽ രാത്രി 10 വരെ എല്ലാ ദിവസവും സേവനം ലഭ്യമായിരിക്കും. ഡി ഇ സി യിലെ ഹാൾ 4-ലാണ് അന്താരാഷ്ട്ര കോൺസുലാർ സേവനകേന്ദ്രം പ്രവർത്തിക്കുന്നത്.
താഴെ പറയുന്ന രാജ്യങ്ങളിൽ നിന്നുള്ളവർക്ക് ഇവിടെ നിന്ന് സേവനങ്ങൾ പ്രയോജനപ്പെടുത്താം :
അർജന്റീന,ജർമ്മനി,പോർച്ചുഗൽ,ഓസ്ട്രേലിയ,ഘാന,സൗദി അറേബ്യ,ബംഗ്ലാദേശ്,ഇന്ത്യ,സെനഗൽ,ബെൽജിയം,ഇറാൻ,
സെർബിയ,ബ്രസീൽ,ജപ്പാൻ,സിംഗപ്പൂർ,കാമറൂൺ,കൊറിയ റിപ്പബ്ലിക്,സ്പെയിൻ,കാനഡ,കുവൈത്ത്,,ശ്രീലങ്ക,ചൈന,ലെബനൻ,സ്വിറ്റ്സർലൻഡ്,കോസ്റ്റാറിക്ക,മെക്സിക്കോ,സിറിയ,ക്രൊയേഷ്യ,മൊറോക്കോ,ടുണീഷ്യ,ഡെൻമാർക്ക്,നെതർലാൻഡ്സ്,യുകെ,ഇക്വഡോർ,പാകിസ്ഥാൻ,യുഎസ്എ,ഈജിപ്ത്,ഫിലിപ്പീൻസ്,ഉറുഗ്വേ,ഫ്രാൻസ്,പോളണ്ട്.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക
