Breaking News
സൗദി അറേബ്യയില്‍ കടുത്ത ചൂട് നിയന്ത്രിക്കാന്‍ ക്ലൗഡ് സീഡിംഗ് നടത്തുമെന്ന് റിപ്പോര്‍ട്ട് | മലപ്പുറം പുളിക്കല്‍ സ്വദേശി റിയാദില്‍ നിര്യാതനായി  | അമ്പതിന്റെ നിറവിൽ ഖത്തർ എം.ഇ.എസ് ഇന്ത്യൻ സ്‌കൂൾ,ആഘോഷ പരിപാടികൾ ഒരു വർഷം നീണ്ടുനിൽക്കും  | ഒമാനില്‍ ചൂതാട്ടം നടത്തിയ പ്രാവസി സംഘം പിടിയിലായി | പെരുമ്പാവൂര്‍ ജിഷ കേസില്‍ പ്രതി കഴുമരത്തിലേക്ക്; വധശിക്ഷ ഹൈക്കോടതി ശരിവെച്ചു | ഖത്തറില്‍ പകല്‍സമയത്ത് താപനില ഉയരാന്‍ സാധ്യത | ഇറാന്‍ പ്രസിഡന്റിന്റെ മരണത്തില്‍ ഖത്തര്‍ അമീര്‍ അനുശോചിച്ചു | സൗദിയില്‍ ചില വാഹനങ്ങളുടെ ഇറക്കുമതി താല്‍ക്കാലികമായി നിരോധിച്ചു | പ്രസിഡന്റും വിദേശകാര്യമന്ത്രിയും കൊല്ലപ്പെട്ട ഇറാനിൽ മുഹമ്മദ് മൊഖ്ബർ താൽക്കാലിക പ്രസിഡന്റാവും | ഇറാൻ പ്രസിഡന്റ് ഇബ്രാഹിം റെയ്‌സി ഹെലികോപ്റ്റർ അപകടത്തിൽ കൊല്ലപ്പെട്ടു |
ആർ.എസ്.സി ദേശീയ തർതീൽ സമാപിച്ചു,ദോഹ സോൺ ജേതാക്കൾ

April 16, 2023

April 16, 2023

ന്യൂസ്‌റൂം ബ്യുറോ 

ദോഹ: വിശുദ്ധ ഖുർആനിന്റെ ജനകീയ പഠന - പാരായണം ലക്ഷ്യമാക്കി രിസാല സ്റ്റഡി സർക്കിൾ (ആർ. എസ്. സി) ഖത്തർ ദേശീയ  ഘടകം സംഘടിപ്പിച്ച ആറാം എഡിഷൻ ദേശീയ തർതീലിന് മെസീല ബ്രിട്ടീഷ് മോഡേൺ സ്കൂളിൽ പ്രൗഢ സമാപനം. ഖത്തറിലെ  എഴുപത് യൂനിറ്റുകളിലും പതിനാലു സെക്ടറുകളിലും നാലു സോണുകളിലുമായി ഒരു മാസക്കാലം നീണ്ട പരിപാടികൾക്കാണ്  വെളളിയാഴ്ച തിരശ്ശീല വീണത്.

 76 പോയന്റുകൾ നേടി ദോഹ സോൺ ജേതാക്കളായി. എയർപോർട്ട്, അസീസിയ്യ എന്നീ സോണുകൾ യഥാ ക്രമം രണ്ടും മൂന്നും സ്ഥാനങ്ങൾ നേടി.

നേരത്തെ നടന്ന ഖുർആൻ എക്സ്പോ ഐ.സി.സി പ്രസിഡന്റ് എ.പി മണികണ്ഠൻ ഉദ്ഘാടനം ചെയ്തു. സ്നേഹമാണ് മാനവികതയുടെ കാതലെന്നും മാനവികത ഇല്ലാതാകുന്ന ഇക്കാലത്ത് സ്നേഹത്തേയും സൗഹൃദത്തേയും വീണ്ടും വീണ്ടും പറഞ്ഞു കൊണ്ടിരിക്കൽ വലിയ ധർമമാണെന്നും അതിനു വേണ്ടി ആർ.എസ്.സി നടത്തുന്ന പ്രവർത്തനങ്ങൾ ശ്ലാഘനീയമാണെന്നും അദ്ദേഹം പറഞ്ഞു

വൈകിട്ട് നാലു മണിക്ക് നടന്ന സമാപന സംഗമം സ്വാഗത സംഘം കൺവീനർ റഹ്മത്തുല്ലാഹ് സഖാഫിയുടെ അധ്യക്ഷതയിൽ ഐ.സി.എഫ്. പ്രസിഡന്റ് പറവണ്ണ അബ്ദുറസാഖ് മുസ്‌ലിയാർ ഉദ്ഘാടനം ചെയ്തു. ഖുർആനെ സമൂഹത്തിൽ കൂടുതൽ പഠിക്കാനും ചർച്ച ചെയ്യാനും ഇത്തരം പരിപാടികൾക്കാവുമെന്നും ഇന്ത്യയിൽ ദേശീയ തലത്തിൽ എസ്.എസ്. എഫ്  അത്തരം വലിയ ദൗത്യമാണ് നിർവഹിച്ചു കൊണ്ടിരിക്കുന്നതെന്നും ഗോൾഡൻ ഫിഫ്റ്റി പ്രഭാഷണത്തിനിടെ  അബ്ദുറശീദ് മാസ്റ്റർ നരിക്കോട് അഭിപ്രായപ്പെട്ടു.

അബ്ദുൽ ജബ്ബാർ സഖാഫി എറണാകുളം ഉദ്ബോധന ഭാഷണം നടത്തി. സയ്യിദ് ജഅ്ഫർ തങ്ങൾ, ബശീർ പുത്തൂപ്പാടം, ബ്രിട്ടീഷ് സ്കൂൾ എം. ഡി ഷാജി, അബ്ദുൽ അസീസ് സഖാഫി പാലോളി, സലാം ഹാജി പാപ്പിനിശ്ശേരി, കരീം ഹാജി കാലടി, മൊയ്തീൻ ഇരിങ്ങല്ലൂർ, അശ്റഫ് സഖാഫി, സജ്ജാദ് മീഞ്ചന്ത, ശകീർ ബുഖാരി, ശഫീഖ് കണ്ണപുരം തുടങ്ങിയവർ ചടങ്ങിൽ പങ്കെടുത്തു.

ഉബൈദ് വയനാട് സ്വാഗതവും ശംസുദ്ദീൻ മാസ്റ്റർ നന്ദിയും പറഞ്ഞു.

ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI

 


Latest Related News