March 04, 2023
March 04, 2023
ന്യൂസ്‌റൂം ബ്യുറോ
ദോഹ :അനശ്വര സംഗീത പ്രതിഭ രാഘവൻ മാസ്റ്ററുടെ ഗാനങ്ങൾ കോർത്തിണക്കിയുള്ള 'രാഘവീയം'സംഗീതാഞ്ജലിക്ക് ദോഹ വേദിയാകുന്നു.അടയാളം ഖത്തറിന്റെ ആഭിമുഖ്യത്തിൽ മാർച്ച് 17, വെള്ളിയാഴ്ച വൈകുന്നേരം 6.30 മുതൽ ഐസിസി അശോക ഹാളിലാണ് പരിപാടി നടക്കുക.
മലയാള ഗാനങ്ങൾ ഇതര ഭാഷാഗാനങ്ങളുടെ അനുകരണങ്ങൾ മാത്രമായിരുന്ന കാലത്ത് മലയാളത്തിന്റെ ഗന്ധവും, നാടൻ ശീലുകളുടെയും മാപ്പിളപാട്ടിന്റെയും ഇമ്പമാർന്ന ഈണങ്ങൾ കൊണ്ട് മലയാളി മനസിനെ സംഗീത സാന്ദ്രമാക്കിയ അതുല്യ പ്രതിഭയായിരുന്നു രാഘവൻ മാസ്റ്റർ.
കർണ്ണാടക സംഗീതത്തിന്റെയും, സംസ്‌കൃത ശ്ലോകങ്ങളുടെയും സ്വാധീനത്തിൽ പെട്ടിരുന്ന മലയാള ചലച്ചിത്ര സംഗീത ലോകത്ത് ഒരു പുതിയ വഴി വെട്ടിത്തുറന്നായിരുന്നു രാഘവൻ മാസ്റ്ററുടെ രംഗ പ്രവേശം. അദ്ദേഹത്തിന്റെ എണ്ണമറ്റ ഗാനങ്ങളിൽ നിന്നും നിങ്ങൾക്കേറ്റവും പ്രിയപ്പെട്ട ഗാനങ്ങൾ കോർത്തിണക്കിയാണ് മഹാപ്രതിഭയ്ക്ക് ഉചിതമായ സംഗീതാഞ്ജലി സമർപ്പിക്കുന്നതെന്ന് സംഘാടകർ വാർത്താ കുറിപ്പിൽ അറിയിച്ചു..
പ്രവേശനം സൗജന്യമായിരിക്കും.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/LiM4EdDAtkTAmYRCb0LMz9
