May 04, 2023
May 04, 2023
ന്യൂസ്റൂം ബ്യൂറോ
ദോഹ: ഖത്തര്‍ കമ്മ്യൂണിക്കേഷന്‍സ് റെഗുലേറ്ററി അതോറിറ്റി(സിആര്‍എ) ആര്‍സലിന്റെ പുതിയ പതിപ്പ് പുറത്തിറക്കി. ടെലികോം സേവനങ്ങളെക്കുറിച്ചുള്ള പരാതികളും അന്വേഷണങ്ങള്‍ക്കും ആപ്പ് പ്രയോജനപ്പെടുത്താനാവും. സിആര്‍എ നല്‍കുന്ന ഖത്തരി ഡൊമെയ്ന്‍ നെയിംസ് രജിസ്ട്രേഷന്‍ സേവനങ്ങളും സിആര്‍എയില്‍ നിന്നുള്ള അപ്ഡേറ്റുകളും ആപ്പിലൂടെ ലഭ്യമാകും.
ഇ-സ്പെക്ട്രം സേവന പോര്‍ട്ടല്‍ ആക്സസ് ചെയ്യാനും, ഫ്രീക്വന്‍സി ലൈസന്‍സുകള്‍ പുതുക്കാനും റദ്ദാക്കാനും ഉള്ള അപേക്ഷകള്‍ സമര്‍പ്പിക്കാനും അവ ട്രാക്ക് ചെയ്യാനും ആവശ്യമായ ഫീസ് അടയ്ക്കാനും ആപ്പിലൂടെ സാധിക്കുമെന്ന് സിആര്‍എയിലെ കണ്‍സ്യൂമര്‍ അഫയേഴ്സ് ഡിപ്പാര്‍ട്ട്മെന്റ് ഡയറക്ടര്‍ അമേല്‍ സലേം അല്‍ ഹനാവി പറഞ്ഞു. ആര്‍സല്‍ ആപ്പ് ഗൂഗിള്‍ പ്ലേ സ്റ്റോറില്‍ നിന്ന് ഡൗണ്‍ലോഡ് ചെയ്ത് ഉപയോഗിക്കാവുന്നതാണെന്ന് അദ്ദേഹം പറഞ്ഞു.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/GNnAPz2ISv601MKXQvNitL
