October 01, 2023
October 01, 2023
ദോഹ : ദോഹ മെട്രോ ലിങ്ക് ബസ്സുകളിൽ കയറാനും ഇറങ്ങാനും ക്യൂ.ആർ കോഡ് സ്കാനിങ് നിര്ബന്ധമാക്കിയതിന് പിന്നാലെ ഇന്ന് രാവിലെ മിക്ക ബസുകളുടെയും യാത്ര വൈകി.പതിവ് പോലെ ബസ്സിൽ കയറാനെത്തിയ യാത്രക്കാരോട് ഡ്രൈവർ ക്യൂ.ആർ കോഡ് കാണിക്കാൻ ആവശ്യപ്പെട്ടതോടെ ബസ്സിൽ കയറാനും ഇറക്കാനും ഏറെ സമയമെടുത്തതാണ് സർവീസുകൾ വൈകാൻ ഇടയാക്കിയത്.
ഒക്ടോബർ ഒന്ന് മുതൽ മെട്രോ ലിങ്ക് ബസ്സുകളിൽ കയറുന്നതിന് മുമ്പ് ക്യൂ.ആർ കോഡ് സ്കാൻ കാണിക്കുകയോ കർവാ സ്മാർട് കാർഡ് സ്കാൻ ചെയ്യുകയോ വേണമെന്ന് അധികൃതർ മുൻകൂട്ടി അറിയിച്ചിരുന്നു.എന്നാൽ സ്മാർട് കാർഡോ മെട്രോ ലിങ്ക് ആപ് ഡൌൺലോഡ് ചെയ്യുകയോ ചെയ്യാതെ ബസ്സിൽ കയറാൻ എത്തിയവരെ ഡ്രൈവർമാർ തടയുകയായിരുന്നു.പലരുടെയും മൊബൈൽ ഫോണുകളിൽ ടാറ്റാ ഇല്ലാത്തതും ചിലരുടെ യാത്ര വൈകാൻ ഇടയാക്കി.തുടർന്ന് തൊട്ടടുത്ത കടകളിൽ പോയി മൊബൈൽ റീചാർജ് ചെയ്ത് ആപ് ഡൗൺലോഡ് ചെയ്ത ശേഷമാണ് പലർക്കും യാത്ര ചെയ്യാനായത്.സ്ഥിരമായി മെട്രോ ലിങ്ക് ബസ്സുകൾ ഉപയോഗിക്കുകയും എന്നാൽ അധികൃതരുടെ മുന്നറിയിപ്പ് അവഗണിക്കുകയും ചെയ്ത യാത്രക്കാരാണ് വെട്ടിലായത്.
മെട്രോ ലിങ്ക് സേവനം സൗജന്യമാണെങ്കിലും ഒക്ടോബർ ഒന്ന്(ഇന്ന്)മുതൽ യാത്രക്കാർ കർവ ജേർണി പ്ലാനർ ആപ്പിലേക്ക് ലോഗ് ഇൻ ചെയ്ത് ബസിൽ കയറുന്നതിന് മുമ്പ് ഇ-ടിക്കറ്റ് ഡൗൺലോഡ് ചെയ്തിരിക്കണമെന്നാണ് നിർദേശം.. ഗോൾഡൻ ക്യു.ആർ ടിക്കറ്റ് ഒരിക്കൽ മാത്രം ഡൗൺലോഡ് ചെയ്താൽ മതിയെന്നും, എല്ലാ മെട്രോലിങ്ക് യാത്രകൾക്കും ഇത് സാധുതയുള്ളതാണെന്നും കർവ അറിയിച്ചിരുന്നു.. യാത്രക്കാർ ബസിൽ കയറുമ്പോഴും ഇറങ്ങുമ്പോഴും ടിക്കറ്റ് റീഡറിൽ ക്യു.ആർ കോഡ് സ്കാൻ ചെയ്യേണ്ടത് ആവശ്യമാണ്. കർവ ആപ്പിന്റെ 'കാർഡ് മാനേജ്‌മെന്റ്' എന്ന വിഭാഗത്തിലൂടെ ക്യു.ആർ കോഡ് ടിക്കറ്റ് ലഭിക്കുന്നതാണ്.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G
