May 03, 2023
May 03, 2023
ന്യൂസ്‌റൂം ബ്യൂറോ
ദോഹ: ലോകകപ്പ് ചരിത്രത്തിലെ തന്നെ ഏറ്റവും വാശിയേറിയ ഫൈനലെന്ന് വിശേഷിപ്പിക്കപ്പെട്ട ഖത്തര്‍ 2022 ഫിഫ ലോകകപ്പ് ഫൈനലിനുപയോഗിച്ച ഔദ്യോഗിക പന്ത് ലേലത്തില്‍. നോര്‍ത്താംപ്ടണ്‍ ലേലശാലയില്‍ വെച്ച് 2023 ജൂണ്‍ 6,7 തീയതികളിലായാണ് ലേലം നടക്കുക. ലേലം ഓണ്‍ലൈനായും നടക്കുമെന്ന് ഗ്രഹാം ബഡ് ലേലത്തിലെ സ്‌പോര്‍ട്‌സ് മെമ്മോറബിലിയ തലവന്‍ ഡേവിഡ് കണ്‍വെറി പറഞ്ഞു. ഔദ്യോഗിക പന്തിന് ഒരു മില്യണ്‍ ഖത്തര്‍ റിയാലാണ് പ്രതീക്ഷിക്കുന്നത്.
ഡിസംബര്‍ 18ന് ലുസൈന്‍ സ്റ്റേഡിയത്തില്‍ നടന്ന വാശിയേറിയ ഫൈനലില്‍ ഫ്രാന്‍സിനെ അര്‍ജന്റീന തോല്‍പ്പിക്കുകയായിരുന്നു. അര്‍ജന്റീനയുടെ വിജയത്തിന് സഹായകരമായ ഫുട്‌ബോളിന് 'അല്‍ ഹില്‍മ്' (ദി ഡ്രീം) എന്നാണ് പേര് നല്‍കിയിരുന്നത്. മാച്ച് ബോളില്‍ ലോകകപ്പ് ഫൈനലുകളുടെ രേഖാമൂലമുള്ള തീയതിയും മറ്റും അടയാളപ്പെടുത്തിയിട്ടുണ്ട്.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/GNnAPz2ISv601MKXQvNitL
