December 04, 2022
December 04, 2022
ന്യൂസ്‌റൂം ബ്യുറോ
ദോഹ : ഖത്തർ ലോകകപ്പ് കാണാൻ ചരിത്രത്തിലെ ഏറ്റവും കൂടുതൽ കാണികൾ സ്റ്റേഡിയങ്ങളിൽ എത്തിയതായി ഫിഫ.ലോകകപ്പ് ബഹിഷ്കരിക്കാൻ ഒരു വിഭാഗം വ്യാപകമായ കാമ്പയിൻ നടത്തിയതിനിടെയാണ് ഖത്തർ ലോകകപ്പ് കാണികളുടെ എണ്ണത്തിലും അപൂർവ നേട്ടം സ്വന്തമാക്കിയത്.
ലോക കപ്പ് 13 ദിവസവും 48 മത്സരങ്ങളും പിന്നിടുമ്പോൾ 24.5 ലക്ഷം കാണികളാണ് സ്റ്റേഡിയങ്ങളിൽ എത്തിയതെന്ന് ഫിഫ ഔദ്യോഗിക വെബ്‌സൈറ്റിൽ പ്രസിദ്ധീകരിച്ച റിപ്പോർട്ടിൽ പറയുന്നു. ഏകദേശം 96 ശതമാനം സീറ്റുകളും ഫുൾ ആണ്. ആദ്യമായാണ് ഒരു ലോക കപ്പിൽ ഇത്രയും കൂടുതൽ കാണികൾ കളി കാണുന്നതെന്നും ഫിഫ അവകാശപ്പെട്ടു.
ആദ്യമായി എല്ലാ ഭൂഖണ്ഡങ്ങളിൽ നിന്നുമുള്ള ടീമുകൾ പ്രീ ക്വാർട്ടർ മത്സരങ്ങളിൽ എത്തി എന്നതാണ് മിഡിൽ ഈസ്റ്റ് മേഖലയിൽ ആദ്യമായി നടന്ന ടൂർണമെന്റിന്റെ ഈ ടൂർണമെന്റിന്റെ മറ്റൊരു ചരിത്ര നേട്ടം.
ലോക കപ്പിൽ ആദ്യമായി വനിതകൾ റഫറിമാരായി എത്തി എന്നതും ഈ ലോക കപ്പിന്റെ മറ്റൊരു ചരിത്ര നേട്ടമാണ്.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/C2rupFykVgXBqmlpJc6amX എന്ന ലിങ്കിൽ ജോയിൻ ചെയ്യുക
