April 05, 2023
April 05, 2023
ന്യൂസ്‌റൂം ബ്യൂറോ
ദോഹ: ഇന്റര്‍കോം ദോഹ കോണ്‍ഫറന്‍സിന് ഖത്തര്‍ ആതിഥേയത്വം വഹിക്കുമെന്ന് ഖത്തര്‍ മ്യൂസിയം അറിയിച്ചു. സാംസ്‌കാരിക സ്ഥാപനങ്ങള്‍ അഭിമുഖീകരിക്കുന്ന വെല്ലുവിളികള്‍ പരിഹരിക്കുന്നതിനും മ്യൂസിയത്തിലെ ഏറ്റവും പുതിയ കണ്ടുപിടിത്തങ്ങളും ട്രെന്‍ഡുകളും ചര്‍ച്ച ചെയ്യുന്നതും ആയിരിക്കും ലോകമെമ്പാടുമുള്ള മ്യൂസിയം പ്രൊഫഷണലുകളെ ഒരുമിച്ച് കൊണ്ടുവരുന്ന ഇന്റര്‍കോം ദോഹ 2023 കോണ്‍ഫറന്‍സ്.
ഇന്റര്‍ കോം ദോഹ കോണ്‍ഫറന്‍സിനോടനുബന്ധിച്ച് മെയ് 7 മുതല്‍ 9 വരെ നൈപുണ്യവും ചിന്താഗതിയും രൂപപ്പെടുത്തുന്നതിനായുള്ള വിഷണറി ലീഡര്‍ കോണ്‍ഫറന്‍സ് ഖത്തര്‍ ദേശീയ മ്യൂസിയത്തില്‍ നടക്കും. സിഎംഎം, ഐകോം സീ, ഐകോം ക്രൊയേഷ്യ എന്നിവയുടെ സഹകരണത്തോടെ ഐകോം-ഇന്റര്‍കോം സംഘടിപ്പിക്കുന്നതാണ് വിഷണറി ലീഡര്‍ കോണ്‍ഫറന്‍സ്.
മ്യൂസിയം നവീകരണത്തിലും സാംസ്‌കാരിക നയതന്ത്രത്തിലും ഒരു ആഗോള നേതാവ് എന്ന നിലയില്‍ ലോകമെമ്പാടുമുള്ള മ്യൂസിയം പ്രൊഫഷണലുകള്‍ക്കായി അറിവ് പങ്കിടുന്നതില്‍ ഖത്തര്‍ മ്യൂസിയത്തിന് അഭിമാനമുണ്ടെന്ന് അധികൃതര്‍ വ്യക്തമാക്കി. മുഖ്യപ്രഭാഷണങ്ങള്‍, പാനല്‍ ചര്‍ച്ചകള്‍, ശില്പശാലകള്‍ എന്നിവയിക്കുള്ള വേദിയാകും ഖത്തര്‍ മ്യൂസിയം.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI
