October 10, 2023
October 10, 2023
ദോഹ : ത്യശൂർ ഗവണ്മെന്റ് എഞ്ചിനീയറിങ് കോളേജിലെ ഖത്തറിലെ പൂർവ വിദ്യാർത്ഥി സംഘടനയായ ക്യു-ഗെറ്റ് നടത്തുന്ന 'ഗ്രോ യുവർ ഗ്രീൻ ഫുഡ്' ക്യാമ്പയിന്റെ ഭാഗമായി നടത്തിയ പച്ചക്കറി വിത്ത് വിതരണവും പാനൽചർച്ചയും ശ്രദ്ധേയമായി. ഓർഗാനിക് കൃഷി രീതിയുടെ പ്രത്യേകതകളും ഖത്തറിലെ കാലാവസ്ഥയിൽ ഫലപ്രദമായും എളുപ്പത്തിലും നടത്താവുന്ന കൃഷി രീതികളെക്കുറിച്ചും വിവിധ കൃഷി രീതികളിൽ വിദഗ്ധനായ ബെന്നി വിശദീകരിച്ചു.
ഐസിസി പ്രസിഡറന് എപി മണികണ്ഠൻ ചടങ്ങ് ഉദ്‌ഘാടനം ചെയ്തു. പാനൽ ചർച്ചക്ക് മുതിർന്ന അംഗങ്ങളായ അഷ്‌റഫ് ചിറക്കൽ, മാധവിക്കുട്ടി,ക്യാമ്പയിൻ ജനറൽ കൺവീനർ ഡയ്‌സ് തോട്ടൻ, ഡെപ്യൂട്ടി കൺവീനർ അഖിൽ സി.കെ എന്നിവർ നേതൃത്വം നൽകി. മുതിർന്ന അംഗം ശരീഫ്, ഏറ്റവും പ്രായം കുറഞ്ഞ ക്യു-ഗെറ്റ് അംഗം നിഹാൽ നിഷ്ചൽ എന്നിവർക്ക് അദ്ദേഹം പച്ചക്കറി വിത്തുകൾ സമ്മാനിച്ചു.
അഷ്‌റഫ് ചിറക്കൽ അധ്യക്ഷത വഹിച്ച ചടങ്ങിൽ ജോൺ ഇ.ജെ, അഞ്ജലി പ്രസന്നൻ, മുഹമ്മദ് ഫൈസൽ എന്നിവർ ആശംസകൾ നേർന്നു.. ക്യാമ്പയിന്റെ ഭാഗമായി നടത്താനുദ്ദേശിക്കുന്ന പ്രവർത്തനങ്ങളെക്കുറിച്ച് അഖിൽ സി.കെ വിശദീകരിച്ചു. ക്യു-ഗെറ്റ് പ്രസിഡന്റ് അൻവർ സാദത്ത് സ്വാഗതവും ജെൻസൺ ആന്റണി നന്ദിയും പറഞ്ഞു. പരിപാടിയിൽ പങ്കെടുത്ത എല്ലാവര്ക്കും പച്ചക്കറി വിത്തുകൾ വിതരണം ചെയ്തു.
ന്യൂസ്റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/FSQLmJGMow51SCIIBEEcWV
