June 20, 2023
June 20, 2023
ന്യൂസ്‌റൂം ബ്യുറോ
ദോഹ: നവംബര്‍ രണ്ട്, മൂന്ന് തിയതികളില്‍ നടക്കുന്ന എട്ടാം ഖത്തര്‍ മലയാളി സമ്മേളനത്തിന്റെ ലോഗോ പുറത്തിറക്കി. 'കാത്തുവെക്കാം സൗഹൃദ തീരം' പ്രമേയത്തിലാണ് സമ്മേളനം നടക്കുന്നത്.
ഐ.സി.സി അശോക ഹാളില്‍ നടന്ന ചടങ്ങില്‍ സ്വാഗതസംഘം ഉപദേശക സമിതി ചെയര്‍മാൻ എബ്രഹാം ജോസഫ്‌, ചെയര്‍മാൻ ഷറഫ്‌ പി. ഹമീദ്‌, ഐ.സി.ബി.എഫ്‌ പ്രസിഡന്റ് ഷാനവാസ്‌ ബാവ, യൂനിറ്റി പ്രസിഡന്റ് അബ്ദുല്‍ കരീം കെ എന്നിവര്‍ ചേര്‍ന്ന് ലോഗോ പ്രകാശനം ചെയ്തു.നവംബറില്‍ നടക്കുന്ന സമ്മേളനത്തിന്റെ ഒരുക്കങ്ങള്‍ തുടങ്ങിയതായി ചടങ്ങില്‍ അധ്യക്ഷത വഹിച്ച ചെയര്‍മാൻ ഷറഫ്‌ പി. ഹമീദ്‌ അറിയിച്ചു.
ഷൗക്കത്തലി ടി.എ.ജെ, കെ.എം.സി.സി ട്രഷറര്‍ പി.എസ്‌.എം ഹുസൈൻ, പബ്ലിസിറ്റി വിങ് ചെയര്‍മാൻ സിയാദ്‌ കോട്ടയം, സമീല്‍ അബ്ദുല്‍ വാഹിദ്‌, ഖത്തര്‍ ഇന്ത്യൻ ഇസ്‌ലാഹി സെന്റര്‍ പ്രസിഡന്റ് കെ.എൻ. സുലൈമാൻ മദനി, സറീന അഹദ്‌, മിനി സിബി, നൂര്‍ജഹാൻ ഫൈസല്‍ എന്നിവര്‍ സംസാരിച്ചു. ഖലീല്‍ എ.പി, ഹൈദര്‍ ചുങ്കത്തറ, ആഷിഖ്‌ അഹ്‌മദ്‌, ഷാജി ഫ്രാൻസിസ്‌, തൻസീം കുറ്റ്യാടി, അബ്ദുല്‍ അസീസ്‌ എടച്ചേരി, സാം വിളനിലം, മുബാറക്‌ അബ്ദുല്‍ അഹദ്‌, ഡോ. സാബു കെ.സി, സിറാജുദ്ദീൻ റാവുത്തര്‍, വര്‍ക്കി ബോബൻ, നൗഷാദ്‌ ടി.കെ, സിദ്ദീഖ്‌ സി.ടി, ഇസ്‌ലാഹി സെന്റര്‍ ജനറല്‍ സെക്രട്ടറി റഷീദലി വി.പി തുടങ്ങിയവര്‍ പങ്കെടുത്തു.. ജനറല്‍ കണ്‍വീനര്‍ ഷമീര്‍ വലിയവീട്ടില്‍ സ്വാഗതവും അലി ചാലിക്കര നന്ദിയും പറഞ്ഞു.
ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/B5cRGSkveuO5fUeQTErqlq
