August 03, 2023
August 03, 2023
ഖദീജ അബ്രാർ
ദോഹ: ഇന്ത്യൻ പോപ് സംഗീതത്തിലെ ശബ്ദവിസ്മയം ഗായകനും ഗാന രചയിതാവും അഭിനേതാവുമായ ലക്കി അലിയും, പ്രശസ്ത ഹാസ്യനടൻ സാക്കിർ ഖാനും ദോഹയിൽ ആദ്യമായി പരിപാടി അവതരിപ്പിക്കാൻ ഒരുങ്ങുന്നു. 2023 സെപ്റ്റംബർ മാസത്തിലാണ് ഇന്ത്യൻ ചലച്ചിത്ര ലോകത്തെ മഹാവിസ്മയങ്ങൾ ദോഹയിൽ ഒരേ വേദിയിലെത്തുന്നത്.
സ്‌പോട്ട്‌ലൈറ്റ് എന്റർടൈൻമെന്റ്സ് നൈറ്റ് എന്റർടൈൻമെന്റ്സുമായി ചേർന്നാണ് പരിപാടി സംഘടിപ്പിക്കുന്നത്. ആഗസ്റ്റ് പകുതിയോടെ ടിക്കറ്റുകൾ റിലീസ് ചെയ്യുമെന്നും, പരിപാടി നടക്കുന്ന സ്ഥലവും തിയ്യതിയും ഉടൻ പ്രഖ്യാപിക്കുമെന്നും സംഘാടകർ അറിയിച്ചു.
വേറിട്ട ശബ്ദവും ഹൃദയസ്പർശിയായ വരികളും കൊണ്ട് ലോകമെമ്പാടും ആരാധക ഹൃദയങ്ങൾ കീഴടക്കിയ ഗായകനാണ് ലക്കി അലി . 'ഓ സനം', 'ഏക് പാൽ കാ ജീന' തുടങ്ങിയ ഹിറ്റുകളിലൂടെ സംഗീത ലോകം കീഴടക്കിയ അദ്ദേഹം,സംഗീത പ്രേമികളുടെ ഹൃദയത്തിൽ ഇടംപിടിച്ച കലാകാരനാണ്.
സ്റ്റാൻഡ് അപ് കോമഡിയിലൂടെ സ്വന്തം ശൈലിയിൽ കഥ പറഞ്ഞു ആരാധകരെ കയ്യിലെടുത്താണ് സക്കീർ ഖാൻ വേദികളിൽ സ്വന്തമായ ഇടമുറപ്പിച്ചത്.. 'ഹഖ് സെ സിംഗിൾ', 'ചാച്ചാ വിധായക് ഹേ ഹുമാരേ', 'കക്ഷ ഗ്യാർവി', 'തഥാസ്തു' തുടങ്ങിയ ഹിറ്റ് കോമഡി പരമ്പരകൾ ആസ്വാദകർക്ക് ഏറെ പ്രിയപ്പെട്ടതാണ്. ജനപ്രിയമായ സ്റ്റാൻഡ്-അപ്പ് കോമേഡിയൻമാരിൽ ഒരാളായി വ്യക്തിമുദ്ര പതിപ്പിച്ച സക്കീർ ഖാന് ലോകം മുഴുവൻ ആരാധകരുണ്ട്.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/IkqmkUPd0fhGs9abNGXONm
